பென்னாகரம் பொது கூட்டத்தில் “சிங்கப் பெண்ணே எழுந்து வா” நிகழ்ச்சி சௌமியா அன்புமணி சிறப்புரை ஆற்றினார்.

தருமபுரி | பிப்ரவரி 16:

தருமபுரி மாவட்டம் பென்னாகரம் மின்சார வாரிய அலுவலகம் அருகிலுள்ள திறந்த வெளி மைதானத்தில் “சிங்கப் பெண்ணே எழுந்து வா” மகளிர் உரிமை மீட்புப் பயணம் நிகழ்ச்சி நடைபெற்றது. இந்நிகழ்ச்சியில் பசுமை தாயகம் தலைவர் முனைவர் சௌமியா அன்புமணி சிறப்பு விருந்தினராக கலந்து கொண்டு உரையாற்றினார். நிகழ்ச்சியை பாட்டாளி மக்கள் கட்சி சார்பில் தருமபுரி சட்டமன்ற உறுப்பினர் எஸ்.பி. வெங்கடேஸ்வரன், பொதுக்குழு உறுப்பினர் ராமகிருஷ்ணன், இளைஞர் சங்க மாநில துணைத் தலைவர் சத்தியமூர்த்தி, அருள்மொழி, ஜீவா உள்ளிட்டோர் ஏற்பாடு செய்து தொடங்கி வைத்தனர்.

பெண்கள் முன்னேற்றம் குறித்து வலியுறுத்தல்

தமது சிறப்புரையில் சௌமியா அன்புமணி, பெண்கள் கல்வி, தொழில் முனைவு மற்றும் அரசியல் பங்கேற்பு ஆகிய துறைகளில் முன்னேற வேண்டிய அவசியத்தை வலியுறுத்தினார். “பெண்கள் தன்னம்பிக்கையுடன் எழுந்து நின்றால் குடும்பமும், சமூகமும், நாடும் முன்னேறும். ஒவ்வொரு பெண்ணும் தன்னுடைய உரிமைகளை அறிந்து செயல்பட வேண்டும்,” என்று தெரிவித்தார்.

மேலும், பெண்கள் பாதுகாப்பு, சுயதொழில் வாய்ப்புகள் மற்றும் அரசு நலத்திட்டங்கள் குறித்து விழிப்புணர்வு ஏற்படுத்துவது அவசியம் எனக் கூறினார். கிராமப்புற பெண்கள் கல்வி மற்றும் தொழில் திறன் மேம்பாட்டில் அதிக அக்கறை செலுத்த வேண்டும் என்றும் வலியுறுத்தினார்.

இந்த பொதுக்கூட்டத்தில் பல்வேறு கிராமங்களைச் சேர்ந்த பெண்கள், இளைஞிகள், சமூக ஆர்வலர்கள் உள்ளிட்ட சுமார் 5,000 பேர் கலந்து கொண்டனர். மாவட்டம், ஒன்றியம் மற்றும் கிளை நிலை நிர்வாகிகள், தொண்டர்கள் மற்றும் பொதுமக்கள் திரளாக பங்கேற்றனர்.

© தகடூர்குரல்.காம் | செய்தி மற்றும் விளம்பர தொடர்புக்கு : 9843 663 662