.gif)
.jpg)
பென்னாகரம் | பிப்ரவரி 13:
பென்னாகரம் சட்டமன்ற தொகுதிக்கு உட்பட்ட வட்டார வளர்ச்சி அலுவலகம் (BDO Office) முன்பு, அண்ணா திராவிட முன்னேற்றக் கழகம் (அதிமுக) கூட்டணி கட்சிகள் சார்பில் கண்டன ஆர்ப்பாட்டம் நடைபெற்றது. இந்த ஆர்ப்பாட்டத்திற்கு கழக மாநில விவசாய பிரிவு துணைத் தலைவர் டி.ஆர். அன்பழகன் தலைமையேற்றார். கிராமப்புற மக்களுக்கான 125 நாள் வேலை உறுதி திட்டத்தை சீர்குலைக்க முயற்சிப்பதாக குற்றம்சாட்டி, திராவிட முன்னேற்றக் கழகம் (திமுக) அரசை கண்டித்து கூட்டணி கட்சியினர் கோஷங்களை எழுப்பினர்.
மேலும், தேர்தல் வாக்குறுதிகளை நிறைவேற்றாததாக குற்றம்சாட்டியும், பொதுமக்கள் நலத்திட்டங்களை முறையாக செயல்படுத்த வேண்டும் எனவும் வலியுறுத்தி ஆர்ப்பாட்டத்தில் ஈடுபட்டனர். இந்த நிகழ்வில் அதிமுக கூட்டணி கட்சிகளின் நிர்வாகிகள் மற்றும் தொண்டர்கள் திரளாக கலந்து கொண்டு கண்டன கோஷங்களை எழுப்பினர்.
© தகடூர்குரல்.காம் | செய்தி மற்றும் விளம்பர தொடர்புக்கு : 9843 663 662
