தருமபுரி கிழக்கு நகர திமுக சார்பில் 9ஆம் வார்டு “என் வாக்குச் சாவடி, வெற்றி வாக்குச் சாவடி” ஆலோசனை கூட்டம்..

தருமபுரி – டிசம்பர் 11

தருமபுரி கிழக்கு நகர திமுக சார்பில், குமாரசாமிபேட்டை 9ஆம் வார்டில் நகர மன்ற உறுப்பினர் எ. மாதேஸ்வரன் ஏற்பாட்டில் 128ஆம் பூத்தை மையமாகக் கொண்டு “என் வாக்குச் சாவடி – வெற்றி வாக்குச் சாவடி” ஆலோசனை கூட்டம் நடைபெற்றது. நகரச் செயலாளர் நாட்டான் மாது தலைமையில், மாரியம்மன் கோவில் அருகில் இந்த நிகழ்ச்சி நடந்தது.

கூட்டத்தில் உரையாற்றிய நிர்வாகிகள், திமுக அரசின் முக்கிய மக்கள் நலச் சாதனைகளான மகளிர் உரிமைத் தொகை, மகளிர் விடியல் பயணம், புதுமைப்பெண் திட்டம், தமிழ் புதல்வன் திட்டம் உள்ளிட்ட பல நலத்திட்டங்கள் குறித்து விரிவாக எடுத்துரைத்தனர். இதனைத் தொடர்ந்து, வீடு வீடாகச் சென்று திமுக அரசின் சாதனைகளைக் குறித்த விழிப்புணர்வு நோட்டீசுகள் பொதுமக்களுக்கு வழங்கப்பட்டது.

இந்நிகழ்வில் நகர துணைச் செயலாளர் வ. முல்லவேந்தன், நகர மன்ற உறுப்பினர்கள் பெருமாள், சுருளிராஜன், மாவட்ட இளைஞரணி துணை அமைப்பாளர் அசோக் குமார் கோவிந்தன், சிறுபான்மை பிரிவு ரஹீம், அன்பழகன், குமார், கனகராஜ், ரவி, காமராஜ், சிபி உள்ளிட்டோர், 9ஆம் வார்டு நிர்வாகிகள் மற்றும் பொதுமக்கள் கலந்து கொண்டனர்.

© தகடூர்குரல்.காம் | செய்தி மற்றும் விளம்பர தொடர்புக்கு : 9843 663 662