தேமுதிக தருமபுரி கிழக்கு மாவட்டம் சார்பில் மக்கள் உரிமை மாநாட்டிற்கு அழைப்பிதழ் விநியோகம்.

தருமபுரி | டிசம்பர் 27:

தேசிய முற்போக்கு திராவிட கழகம் (தேமுதிக) தருமபுரி கிழக்கு மாவட்டம் சார்பில், வருகிற முக்கிய கட்சி நிகழ்ச்சிகளுக்கான மக்கள் உரிமை மாநாட்டு அழைப்பிதழ்கள் பொதுமக்களிடம் வழங்கப்பட்டன. தருமபுரி கிழக்கு மாவட்டம், நல்லம்பள்ளி மேற்கு ஒன்றியத்தைச் சேர்ந்த சந்தாரப்பட்டி பகுதியில் நடைபெற்ற இந்த நிகழ்வில், மாவட்ட அவைத் தலைவர் தங்கவேல் தலைமையில், நல்லம்பள்ளி மேற்கு ஒன்றிய செயலாளர் பிரபு முன்னிலையில் அழைப்பிதழ் விநியோகப் பணி நடைபெற்றது.

இதன் மூலம்,

• வரும் 28-ஆம் தேதி நடைபெற உள்ள கேப்டன் விஜயகாந்த் அவர்களின் 2-ஆம் ஆண்டு குருபூஜை,

• வரும் ஜனவரி 9-ஆம் தேதி, கடலூர் மாவட்டம் வேப்பூரில் நடைபெறவுள்ள மக்கள் உரிமை மீட்பு மாநாடு 2.0

ஆகிய இரு முக்கிய நிகழ்வுகளுக்கும் கட்சி நிர்வாகிகள், தொண்டர்கள் மற்றும் பொதுமக்களை பங்கேற்க அழைப்பு விடுக்கப்பட்டது.

இந்த நிகழ்வில் மாவட்ட துணைச் செயலாளர் பெரியசாமி, மாவட்ட தொழிற்சங்க தலைவர் ஆறுமுகம், ஒன்றிய பொருளாளர் ராமன், ஒன்றிய துணைச் செயலாளர் ஆர்.பி.எஸ். செந்தில், ஊராட்சி செயலாளர் சுப்பிரமணி உள்ளிட்ட நிர்வாகிகள் மற்றும் சக்தி சிவம் உள்ளிட்ட பலர் கலந்து கொண்டு மாநாட்டின் முக்கியத்துவத்தை விளக்கி அழைப்பிதழ்களை வழங்கினர்.

மக்கள் உரிமைகள், சமூக நீதி மற்றும் ஜனநாயக உரிமைகளை வலியுறுத்தும் இந்த மாநாட்டில் பெருந்திரளான பொதுமக்கள் கலந்து கொள்ள வேண்டும் என தேமுதிக நிர்வாகிகள் கேட்டுக்கொண்டனர்.