தருமபுரி மேற்கு ஒன்றிய திமுக “என் வாக்கு சாவடி வெற்றி வாக்கு சாவடி” – பூத் கமிட்டி நிர்வாகிகள் ஆலோசனை கூட்டம்.

தருமபுரி:

திராவிட முன்னேற்றக் கழகம் (திமுக) தருமபுரி மேற்கு ஒன்றியத்தின் சார்பில், இலக்கியம்பட்டி ஊராட்சிக்குட்பட்ட பிடமனேரியில் உள்ள 93 மற்றும் 96 ஆம் வாக்குச் சாவடிகளுக்கான “என் வாக்கு சாவடி வெற்றி வாக்கு சாவடி” பூத் கமிட்டி நிர்வாகிகள் ஆலோசனை கூட்டம் நடைபெற்றது. இந்த கூட்டத்திற்கு தருமபுரி மேற்கு ஒன்றிய செயலாளர் டி. எல். காவேரி தலைமை வகித்தார்.

கூட்டத்தில், தமிழக அரசின் நான்கரை ஆண்டு சாதனைகள் குறித்து விரிவாக எடுத்துரைக்கப்பட்டது. குறிப்பாக மகளிர் உரிமைத்தொகை, மகளிர் விடியல் பயணம், புதுமைப் பெண் திட்டம், தமிழ்புதல்வன் திட்டம், இல்லம் தேடி மருத்துவம் உள்ளிட்ட மக்கள் நலத்திட்டங்கள் குறித்து நிர்வாகிகளுக்கு விளக்கி பேசப்பட்டது. இதனைத் தொடர்ந்து, வீடு வீடாகச் சென்று தமிழக அரசின் சாதனைகளை எடுத்துரைக்கும் துண்டு பிரசுரங்களை பொதுமக்களுக்கு வழங்கும் பணியும் மேற்கொள்ளப்பட்டது.

இந்த ஆலோசனை கூட்டத்தில் அவைத்தலைவர் செல்வராஜ், மாவட்ட தகவல் தொழில்நுட்ப அணி துணை அமைப்பாளர் உதயசூரியன், அமைப்புசாரா ஓட்டுநர் அணி மாவட்ட துணை அமைப்பாளர் வெற்றிசெல்வன், BLA-2 செல்வராஜ், BLA-2 சரவணன், கிளைச் செயலாளர் ஜெயராமன், வாசு, பெருமாள், துணை இலக்கிய பகுத்தறிவு பேரவை உறுப்பினர்கள் சம்பத், செல்லா, மனு காந்தி, கலாவதி, நிஷார், சுப்பிரமணி, ஜெயவேல், சீனிவாசன் உள்ளிட்ட நிர்வாகிகள் மற்றும் கட்சி உறுப்பினர்கள் திரளாக கலந்து கொண்டனர்.

பூத் அளவில் கட்சி அமைப்பை வலுப்படுத்தி, அரசின் சாதனைகளை நேரடியாக மக்களிடம் கொண்டு சேர்க்க வேண்டும் என்ற நோக்கில் இந்த ஆலோசனை கூட்டம் நடைபெற்றதாக கட்சி நிர்வாகிகள் தெரிவித்தனர்.