தருமபுரி அவ்வையார் அரசு மகளிர் மேல்நிலைப் பள்ளியில் புதிய கட்டிடம் – வெங்கடேஸ்வரன் எம்.எல்.ஏ பங்கேற்பு.

தருமபுரி, டிசம்பர் 22:

தருமபுரியில் அமைந்துள்ள அவ்வையார் அரசு மகளிர் மேல்நிலைப் பள்ளியில், பள்ளிக்கல்வித்துறை சார்பில் நபார்டு (NABARD) திட்டத்தின் மூலம் 2024–2025 நிதியாண்டில் ரூ.94.24 லட்சம் மதிப்பீட்டில் புதிதாக கட்டப்பட்ட நான்கு வகுப்பறைகள் கொண்ட கூடுதல் கட்டிடத்தின் திறப்பு விழா நடைபெற்றது.

இந்த புதிய கட்டிடத்தை, சென்னையில் இருந்து மு.க. ஸ்டாலின், தமிழ்நாடு முதலமைச்சர், காணொளி காட்சி மூலம் திறந்து வைத்ததை தொடர்ந்து, தருமபுரியில் நடைபெற்ற உள்ளூர் விழாவில் மாவட்ட முதன்மை கல்வி அலுவலர் ஜோதி சந்திரா தலைமையில், பள்ளி தலைமையாசிரியர் சுதா முன்னிலையில், தருமபுரி சட்டமன்ற உறுப்பினர் எஸ்.பி. வெங்கடேஸ்வரன் சிறப்பு அழைப்பாளராக கலந்து கொண்டு குத்துவிளக்கு ஏற்றி புதிய கட்டிடத்தை முறையாகத் திறந்து வைத்தார்.

இந்த நிகழ்ச்சியில், தருமபுரி நகர மன்ற தலைவர் லட்சுமி நாட்டான் மாது, துணை தலைமையாசிரியர் முருகன், பெற்றோர்–ஆசிரியர் கழக தலைவர் சந்திரமோகன், பொருளாளர் நாட்டான் மாது, உறுப்பினர்கள் டி.ஏ. குமார், வெல்டிங் ராஜா, காசிநாதன், சுருளிராஜன், மாதேஸ்வரன், அன்பு உள்ளிட்டோர் கலந்து கொண்டனர். மேலும், இருபால் ஆசிரியர்கள் மற்றும் பள்ளி மாணவிகள் திரளாக பங்கேற்று விழாவை சிறப்பித்தனர்.

புதிய வகுப்பறை கட்டிடம் மாணவிகளின் கல்வித் தரத்தை மேம்படுத்துவதோடு, அடிப்படை வசதிகளை வலுப்படுத்தும் வகையில் அமைந்துள்ளதாக விழாவில் பேசுபவர்கள் தெரிவித்தனர். அரசு பள்ளிகளில் கட்டமைப்பு வசதிகளை மேம்படுத்த தமிழக அரசு தொடர்ந்து நடவடிக்கை எடுத்து வருவது குறிப்பிடத்தக்கது.