தருமபுரி மாவட்டத்தில் 2.84 லட்சம் குடும்பத் தலைவிகள் கலைஞர் மகளிர் உரிமைத்தொகை திட்டத்தின் மூலம் பயன் – ரூ. 738.63 கோடி வழங்கப்பட்டது.

தருமபுரி, டிச. 03:

கலைஞர் மகளிர் உரிமைத்தொகை திட்டத்தின் கீழ் கடந்த நான்கரை ஆண்டுகளில் தருமபுரி மாவட்டத்தில் மட்டும் 2,84,091 குடும்பத் தலைவிகள் பயனடைந்துள்ளதாக மாவட்ட ஆட்சித்தலைவர் திரு. ரெ. சதீஸ், இ.ஆ.ப., அவர்கள் தெரிவித்துள்ளார். இதற்கான மொத்த நிதி சுமார் ரூ. 738.63 கோடி என கூறப்பட்டுள்ளது.

முதல்வரின் சமூகநலத் திட்டங்கள் – மாவட்ட ஆட்சியர் விளக்கம்

இதுகுறித்து வெளியிட்ட தகவலில் மாவட்ட ஆட்சித்தலைவர் அவர்கள் தெரிவித்ததாவது:

மாண்புமிகு தமிழ்நாடு முதலமைச்சர் அவர்கள் 07.05.2021 அன்று ஆட்சிப் பொறுப்பேற்றதிலிருந்து, அனைத்து சமூகத்தினருக்கும் பல்வேறு நலத்திட்டங்கள் செயல்படுத்தப்பட்டு வருகின்றன. ஏழை–எளியோர், மகளிர், மாணவர்கள், தொழில்முனைவோர், பட்டியலின மக்கள், சிறுபான்மையினர், திருநங்கைகள், விவசாயிகள் உள்ளிட்ட பல தரப்பு மக்களுக்கு பயனளிக்கும் வகையில்

• மக்களைத்தேடி மருத்துவ சேவை

• விடியல் பயணம்

• புதுமைப்பெண் திட்டம்

• தமிழ்ப் புதல்வன்

• கலைஞர் மகளிர் உரிமைத்தொகை

• முதலமைச்சரின் காலை உணவு திட்டம்

• நான் முதல்வன்

• இன்னுயிர் காப்போம் திட்டம்
  உள்ளிட்ட பல திட்டங்கள் நடைமுறையில் உள்ளன என கூறினார்.

கலைஞர் மகளிர் உரிமைத்தொகை – தமிழ்நாட்டின் மிகப்பெரிய நேரடித் தொகை வழங்கும் திட்டம்

பெண்களின் உழைப்பிற்கான அங்கீகாரமாகவும், அவர்களின் வாழ்வாதாரத்தை வலுப்படுத்தும் வகையிலும், 15.09.2023 அன்று காஞ்சிபுரத்தில் முதல்வர் அவர்களால் மாதந்தோறும் ரூ. 1,000 வழங்கும் கலைஞர் மகளிர் உரிமைத்தொகை திட்டம் தொடங்கப்பட்டது.

திட்டத்தின் கீழ்:

• ஆரம்பத்தில் 1 கோடி 6 லட்சம் 50 ஆயிரம் பெண்கள் சேர்க்கப்பட்டனர்.

• பின்னர் புதிதாக கண்டறியப்பட்ட 7.35 லட்சம் பயனாளிகள் சேர்க்கப்பட்டனர்.

இவ்வாறு மொத்தம் 1 கோடி 13 லட்சம் 84 ஆயிரத்து 300 பெண்களுக்கு இத்திட்டம் வழங்கப்பட்டு வருகின்றது.

தருமபுரி மாவட்டத்தில் வழங்கப்பட்ட நிதி

தருமபுரி மாவட்டத்தில்:

• 2,84,091 குடும்பத் தலைவிகள் பயனடைந்துள்ளனர்

• இதுவரை வழங்கப்பட்ட தொகை ரூ. 738.63 கோடி

என மாவட்ட ஆட்சித்தலைவர் திரு. ரெ. சதீஸ், இ.ஆ.ப., அவர்கள் தெரிவித்தார்.

---

© தகடூர்குரல்.காம் | செய்தி & விளம்பர தொடர்புக்கு : 9843 663 662