வெளிநாட்டு உயர்கல்விக்காக பிற்படுத்தப்பட்டோர் மாணவர்களுக்கு ரூ.15 லட்சம் வரை கடன் – தமிழ்நாடு அரசு அறிவிப்பு.

தருமபுரி, நவம்பர் 5:

தமிழ்நாடு அரசு பிற்படுத்தப்பட்டோர் பொருளாதார மேம்பாட்டுக் கழகம் (TABCEDCO) மூலம், பிற்படுத்தப்பட்டோர், மிகப்பிற்படுத்தப்பட்டோர் மற்றும் சீர்மரபினர் மாணவ, மாணவியர்களுக்கு வெளிநாட்டு பல்கலைக்கழகங்களில் உயர்கல்வி பெறுவதற்காக கல்விக் கடன் வழங்கும் சிறப்பு திட்டம் நடைமுறைக்கு வந்துள்ளது. இத்திட்டத்தின் மூலம், தகுதியுடைய 100 மாணவர்களுக்கு நிதியுதவி வழங்கப்பட உள்ளது.

---

📘 தகுதி நிபந்தனைகள்

1️⃣ விண்ணப்பதாரர் பிற்படுத்தப்பட்டோர், மிகப்பிற்படுத்தப்பட்டோர் அல்லது சீர்மரபினர் வகுப்பினராக இருக்க வேண்டும். (சாதிச் சான்றிதழ் அவசியம்)

2️⃣ குடும்ப ஆண்டு வருமானம் ரூ.3.00 இலட்சத்தைத் தாண்டக்கூடாது.

• மாநில அரசின் வருமானச் சான்றிதழ் வழங்கும் அதிகாரியால் வழங்கப்பட்டிருக்க வேண்டும் அல்லது

• அரசால் அங்கீகரிக்கப்பட்ட வர்த்தமானி பதிவு பெற்ற அதிகாரியால் சான்றளிக்கப்பட்ட சுய சான்றளிக்கப்பட்ட வருமானச் சான்றிதழ் அளிக்கலாம்.

3️⃣ விண்ணப்பதாரர் மருத்துவம், பல் மருத்துவம், பொறியியல், பிஎச்.டி., முதுகலைப் படிப்புகள் போன்ற துறைகளில் வெளிநாட்டு பல்கலைக்கழகத்தில் சேர்க்கை பெற்றிருக்க வேண்டும்.

• GRE, GMAT, SAT போன்ற தரப்படுத்தப்பட்ட தேர்வு மதிப்பெண்களின் அடிப்படையில் சேர்க்கை பெற்றிருக்க வேண்டும்.

• IELTS / TOEFL போன்ற மொழித் திறன் தேர்வுகள் மட்டுமே அடிப்படையாக இருந்தால் இது பொருந்தாது.

---

💰 நிதி உதவி விவரம்

• ஒரு மாணவருக்கு அதிகபட்சமாக ரூ.15,00,000/- வரை கடன் வழங்கப்படும்.

• இதில் 85% தொகை தேசிய பிற்படுத்தப்பட்டோர் நிதி மற்றும் வளர்ச்சிக் கழகம், புதுதில்லி மூலமாகவும்,
  மீதமுள்ள 15% (அதாவது ரூ.2.25 இலட்சம் வரை) தமிழ்நாடு அரசு மூலமாகவும் வழங்கப்படும்.

---

📋 கடன் விவரங்கள் மற்றும் நிபந்தனைகள்

• கடன் தொகை சேர்க்கைக் கட்டணம், கல்விக் கட்டணம், புத்தகங்கள், ஆய்வகக் கட்டணம், உண்டி, உறையிடம் கட்டணம் மற்றும் காப்பீடு கட்டணங்களையும் உள்ளடக்கியது.

• கட்டணங்கள் செமஸ்டர் அல்லது அரையாண்டு அடிப்படையில் விடுவிக்கப்படும்.

• முந்தைய ஆண்டு தேர்ச்சி விகிதத்தின் அடிப்படையில் தொடர்ச்சியாக கடன் விடுவிக்கப்படும்.

• வயது வரம்பு 21 முதல் 40 வயது வரை.

---

💸 வட்டி மற்றும் திருப்பிச் செலுத்தும் விதிமுறைகள்

• வட்டி விகிதம்: ஆண்டிற்கு 8%

• தடைக்காலம்: 5 ஆண்டுகள் (கடன் வழங்கப்பட்ட நாளிலிருந்து)

• மொத்த திருப்பிச் செலுத்தும் காலம்: 10 ஆண்டுகள் (5 ஆண்டு தடைக்காலம் உட்பட)

• முன்கூட்டியே கடன் திருப்பிச் செலுத்தலாம்; அதற்கான கூடுதல் கட்டணம் ஏதுமில்லை.

---

📝 விண்ணப்பிக்கும் முறை

• விண்ணப்பப் படிவம்: www.tabcedco.tn.gov.in

• பூர்த்தி செய்யப்பட்ட விண்ணப்பங்களுடன் தேவையான ஆவணங்களை இணைத்து,
  மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகம்,
  கூட்டுறவு சங்கங்களின் இணைப்பதிவாளர் அலுவலகம் அல்லது
  கூட்டுறவு வங்கிகளில் சமர்ப்பிக்கலாம்.

---

மாவட்ட ஆட்சித்தலைவர் திரு. ரெ. சதீஸ், இ.ஆ.ப. அவர்கள் தெரிவித்ததாவது:

“தருமபுரி மாவட்டத்தைச் சேர்ந்த பிற்படுத்தப்பட்டோர், மிகப்பிற்படுத்தப்பட்டோர் மற்றும் சீர்மரபினர் மாணவ, மாணவியர்கள் இந்த கல்விக் கடன் திட்டத்தைப் பயன்படுத்தி வெளிநாட்டில் உயர்கல்வி பெற்று முன்னேற்றம் அடைய வேண்டும்.”

 

© தகடூர்குரல்.காம் | செய்தி மற்றும் விளம்பர தொடர்புக்கு : 9843 663 662