ஜூனியர் ஆடவர் ஹாக்கி உலக கோப்பை தருமபுரி மாவட்டத்தை வந்தடைந்ததை ஒட்டி, மாவட்ட ஆட்சித்தலைவர் தருமபுரி பாராளுமன்ற உறுப்பினர்இன்று அறிமுகம் செய்து வைத்தார்.

தருமபுரி – நவம்பர் 24 -

ஜூனியர் ஆடவர் ஹாக்கி உலக கோப்பை தருமபுரி மாவட்டத்தை வந்தடைந்ததை ஒட்டி, உலக கோப்பையை மாவட்ட ஆட்சித்தலைவர் திரு. ரெ. சதீஸ், இ.ஆ.ப., அவர்கள், தருமபுரி பாராளுமன்ற உறுப்பினர் திரு. ஆ. மணி அவர்களின் முன்னிலையில் இன்று அறிமுகம் செய்து வைத்தார்.

2025–ஆம் ஆண்டுக்கான ஜூனியர் ஆடவர் ஹாக்கி உலகக்கோப்பை போட்டிகள் சென்னை மற்றும் மதுரை நகரங்களில் 28.11.2025 முதல் 10.12.2025 வரை நடைபெற உள்ளது. அதனை முன்னிட்டு, உலக கோப்பை மாநிலம் முழுவதும் உள்ள மாவட்டங்களுக்கு சுற்றுப்பயணம் செய்து வருகின்றது. நேற்று (23.11.2025) தருமபுரி மாவட்டத்திற்கு உலக கோப்பை வந்தடைந்தது. தமிழ்நாடு விளையாட்டு மேம்பாட்டு ஆணையம் – தருமபுரி, மற்றும் தருமபுரி மாவட்ட ஹாக்கி யூனிட் ஆப் தமிழ் நாடு இணைந்து, தருமபுரி மாவட்ட விளையாட்டரங்கில் நடைபெற்ற சிறப்பு விழாவில், உலக கோப்பை விளையாட்டு வீரர் – வீராங்கனைகளுக்கு அறிமுகப்படுத்தப்பட்டது.

நிகழ்ச்சியில் தருமபுரி சட்டமன்ற உறுப்பினர் திரு. எஸ்.பி. வெங்கடேஸ்வரன், தருமபுரி மாவட்ட காவல் கண்காணிப்பாளர் திரு. எஸ். எஸ். மகேஸ்வரன், தருமபுரி நகர்மன்ற தலைவர் திருமதி லட்சுமி நாட்டான் மாது, தருமபுரி வருவாய் கோட்டாட்சியர் திருமதி காயத்ரி, மாவட்ட விளையாட்டு மற்றும் இளைஞர் நலன் அலுவலர் திருமதி தே. சாந்தி, முதன்மை கல்வி அலுவலர் திருமதி ஐ. ஜோதிசந்திரா, மாவட்ட மருத்துவ பணிகள் & ஊரக நலத்துறை இணை இயக்குநர் திருமதி எம். சாந்தி, தருமபுரி மாவட்ட ஹாக்கி கௌரவ தலைவர் திரு. ரங்கநாதன், ஹாக்கி யூனிட் ஆப் தமிழ் நாடு – தருமபுரி மாவட்ட தலைவர் திரு. மாரியப்பன், ஹாக்கி யூனிட் ஆப் தமிழ் நாடு செயலாளர் திரு. எ. குமார், ஹாக்கி யூனிட் நிர்வாகிகள் பலர் கலந்துகொண்டனர்.

© தகடூர்குரல்.காம் | செய்தி மற்றும் விளம்பர தொடர்புக்கு : 9843 663 662