தருமபுரியில் படித்த வேலைவாய்ப்பற்ற இளைஞர்களுக்கான வேலைவாய்ப்பு உருவாக்கும் திட்டம் – மாவட்ட ஆட்சியர் அறிவிப்பு.

தருமபுரி, நவம்பர் 13:

தமிழக அரசின் படித்த வேலைவாய்ப்பற்ற இளைஞர்களுக்கான வேலைவாய்ப்பு உருவாக்கும் திட்டம் (UYEGP) மூலம் வணிகத் தொழில்கள் தொடங்க விரும்புவோருக்கு சிறப்பு வாய்ப்பு வழங்கப்பட்டுள்ளதாக, மாவட்ட ஆட்சித்தலைவர் திரு. ரெ. சதீஷ், இ.ஆ.ப. தெரிவித்துள்ளார்.

கடன் & மானியம்

• திட்ட மதிப்பீட்டு தொகை ₹4.80 லட்சம் வரை வங்கிக் கடன் பெறலாம்.

• அரசு வழங்கும் மானியம் 25%, அதிகபட்சம் ₹3.75 லட்சம்.

தகுதி நிபந்தனைகள்

• குறைந்தபட்ச கல்வித் தகுதி: 8ஆம் வகுப்பு தேர்ச்சி

  • மாற்றுத்திறனாளிகள் மற்றும் அவர்களின் பெற்றோருக்கு கல்வி தகுதி விலக்கு

• வயது வரம்பு:

  • பொதுப்பிரிவு – 18 முதல் 45 வயது

  • சிறப்பு பிரிவுகள் (SC/ST, BC/MBC, Women, Minorities, Ex-servicemen, PwD, Transgender) – 18 முதல் 55 வயது

• ஆண்டு குடும்ப வருமானம் ₹8 லட்சத்திற்கு உட்பட இருக்க வேண்டும்.

தொழில்கள் தொடங்கலாம்

அரசு தடைசெய்தவற்றைத் தவிர்த்து, எல்லாத் தொழில்களும் தொடங்கலாம்:

மளிகை கடை, பெட்டி கடை, ஸ்டேஷனரி, பேன்சி ஸ்டோர், மொபைல் உதிரிப்பாகங்கள் கடை, வாகன உதிரி பாகங்கள் விற்பனை போன்றவை.

எப்படி விண்ணப்பிப்பது?

📌 இணையதளம்: www.msmeonline.tn.gov.in

📌 அலுவலகம்: மாவட்ட தொழில் மையம், SIDCO தொழிற்பேட்டை, ஒட்டப்பட்டி, தருமபுரி

📞 தொடர்புக்கு: 8925533941, 8925633942, 04342–230892

மாவட்டத்தில் தொழில் தொடங்க விரும்பும் இளைஞர்கள் இத்திட்டத்தைப் பயன்படுத்திக் கொள்ளுமாறு மாவட்ட ஆட்சியர் கேட்டுக்கொண்டுள்ளார்.