Type Here to Get Search Results !

தமிழ்நாடு பசுமை சாம்பியன் விருது 2025; விண்ணப்பங்கள் ஜனவரி 20க்குள் சமர்ப்பிக்க கோரிக்கை.


தருமபுரி, நவ. 28 -

தமிழ்நாட்டில் சுற்றுச்சூழல் பாதுகாப்பை ஊக்குவிக்கும் நோக்கில், மாநில அரசு அறிவித்துள்ள “பசுமை சாம்பியன் விருது” 2025-க்கான விண்ணப்பங்கள் பெறப்பட தொடங்கியுள்ளன. சுற்றுச்சூழல் மற்றும் காலநிலை மாற்றத்துறை அமைச்சர் 03.09.2021 அன்று சட்டமன்றத்தில் அறிவித்தபடி, ஆண்டுதோறும் சுற்றுச்சூழல் பாதுகாப்பில் முன்னோடி பங்களிப்பு செய்யும் 100 தனிநபர்கள், கல்வி நிறுவனங்கள், குடியிருப்பு நலச்சங்கங்கள், உள்ளாட்சி அமைப்புகள், தொழில் நிறுவனங்கள் ஆகியோருக்கு தலா ₹4 லட்சம் பரிசுத் தொகையுடன் மாநில அரசு கௌரவிக்கும்.


தமிழ்நாடு மாசு கட்டுப்பாடு வாரியம் (TNPCB) வழிகாட்டுதலின்படி, சுற்றுச்சூழலுக்கான பங்களிப்பு பின்வரும் துறைகளில் மதிப்பீடு செய்யப்படும்:

  • சுற்றுச்சூழல் கல்வி, பயிற்சி மற்றும் விழிப்புணர்வு

  • பசுமை தொழில்நுட்பம், பசுமை தயாரிப்புகள்

  • நிலையான வளர்ச்சி மற்றும் திடக் கழிவு மேலாண்மை

  • நீர் மற்றும் நீர்நிலைகள் பாதுகாப்பு

  • பிளாஸ்டிக் கழிவு குறைப்பு மற்றும் மறுசுழற்சி

  • காலநிலை மாற்றத்திற்கான தழுவல் மற்றும் தணிப்பு

  • சுற்றுச்சூழல் பாதுகாப்பு, சீரமைப்பு மற்றும் கடலோர பாதுகாப்பு


தருமபுரி மாவட்ட ஆட்சியர் தலைமையிலான மாவட்ட அளவிலான விருது குழு (DLAC) பரிந்துரைகளை தேர்வு செய்கிறது.

பசுமை சாம்பியன் விருதுக்கான விண்ணப்பப் படிவத்தை:

  • தமிழ்நாடு மாசு கட்டுப்பாடு வாரிய இணையதளம்: www.tnpcb.gov.in

  • தருமபுரி மாவட்ட ஆட்சியர் அலுவலகம்: https://dharmapuri.nic.in

ஆகியவற்றிலிருந்து பதிவிறக்கம் செய்து நிரப்பலாம்.


விண்ணப்பதாரர்கள் தேவையான ஆவணங்களுடன் கூடிய விண்ணப்பத்தை ஜனவரி 20, 2026க்குள் தருமபுரி மாவட்ட ஆட்சித்தலைவர் திரு. ரெ. சதீஸ், இ.ஆ.ப., அவர்களுக்கு சமர்ப்பிக்க வேண்டும்.


மேலும் தகவல்களுக்கு:
மாவட்ட சுற்றுச்சூழல் பொறியாளர், தமிழ்நாடு மாசு கட்டுப்பாடு வாரியம்,
அதியமான் கோட்டை – ஓசூர் புறவழிச்சாலை,
சோகத்தூர் அஞ்சல், ஏ.ஜெட்டியள்ளி, தருமபுரி.
தொலைபேசி: 04342-270005


© தகடூர்குரல்.காம் | செய்தி மற்றும் விளம்பர தொடர்புக்கு : 9843 663 662 

கருத்துரையிடுக

0 கருத்துகள்
* தயவுசெய்து இங்கே தொடர் திணிப்பை (Spam) செய்யாதீர்கள். அனைத்து கருத்துகளும் நிர்வாகியால் மதிப்பாய்வு செய்யப்படுகின்றன.

Top Post Ad

Below Post Ad

Hollywood Movies