தருமபுரியில் வாக்காளர் பட்டியல் சிறப்பு தீவிர திருத்தம்–2026 : அரசியல் கட்சிகளுடன் ஆய்வுக்கூட்டம்.

தருமபுரி– நவம்பர் 28 -

இந்திய தேர்தல் ஆணையத்தின் அறிவிப்பின்படி, தருமபுரி மாவட்டத்தின் 5 சட்டமன்ற தொகுதிகளிலும் நடைபெற்று வரும் வாக்காளர் பட்டியல் சிறப்பு தீவிர திருத்தம்–2026 பணிகளுக்கான ஆய்வுக்கூட்டம், மாவட்ட ஆட்சியர் அலுவலக குறிஞ்சி கூட்டரங்கில் நடைபெற்றது.

மாவட்ட தேர்தல் அலுவலரும், தருமபுரி மாவட்ட ஆட்சித்தலைவருமான திரு. ரெ. சதீஸ், இ.ஆ.ப., அவர்கள் தலைமையில் நடைபெற்ற இந்த கூட்டத்தில் அனைத்து தேசிய மற்றும் மாநில அங்கீகரிக்கப்பட்ட அரசியல் கட்சிகளின் பிரதிநிதிகள் கலந்து கொண்டனர்.

ஆட்சியர் உரையில் அவர் தெரிவித்ததாவது:

• கணக்கெடுப்பு படிவங்கள் (Forms) வாக்காளர்களிடமிருந்து மீளப் பெறப்பட்டு பதிவு செய்யப்பட்டாலேயே பெயர் வரைவு வாக்காளர் பட்டியலில் இடம்பெறும்.

• படிவம் வழங்காத வாக்காளர்களின் பெயர்கள் வரைவு பட்டியலில் இடம்பெறாது.

• தகுதியுள்ள அனைவரும் பட்டியலில் சேர வேண்டும், தகுதியில்லாதோர் சேரக்கூடாது என்பதற்காக நிலை அலுவலர்கள் தீவிரமாக செயல்படுகின்றனர்.

• அங்கீகரிக்கப்பட்ட கட்சிகளின் வாக்குச்சாவடி முகவர்கள் தினம் அதிகபட்சம் 50 படிவங்கள் வரை பெறலாம்.

• அரசியல் கட்சிகள் தொடர்ச்சியான ஒத்துழைப்பை வழங்க வேண்டும் என ஆட்சியர் கேட்டுக்கொண்டார்.

பின்னர், மாவட்ட ஆட்சியர் தேர்தல் கட்டுப்பாட்டு அறையில் அமைக்கப்பட்டுள்ள SIR (இறப்பு காரணமாக பெயர்கள் நீக்கம்) தொடர்பான சரிபார்ப்பு குழுவின் பணிகளை ஆய்வு செய்தார்.

இந்த நிகழ்ச்சியில் மாவட்ட வருவாய் அலுவலர் திருமதி கவிதா, உதவி கலால் ஆணையர் திருமதி நர்மதா, வருவாய் கோட்டாட்சியர்கள் மற்றும் பல்வேறு அரசியல் கட்சிகளின் பிரதிநிதிகள் கலந்து கொண்டனர்.

© தகடூர்குரல்.காம் | செய்தி & விளம்பர தொடர்புக்கு : 9843 663 662