தருமபுரியில் மாவட்ட அளவிலான பிரதம மந்திரி தேசிய தொழிற்பழகுநர் சேர்க்கை முகாம் வரும் டிசம்பர் 8ம் தேதி நடைபெறும்.

தகடூர்குரல் நவம்பர் 28, 2025 0

தருமபுரி, நவ. 28 -

தருமபுரி மாவட்டத்தில் பிரதம மந்திரி தேசிய தொழிற்பழகுநர் சேர்க்கை முகாம் (PMNAM) வரும் 08.12.2025 அன்று கடத்தூர் அரசு தொழிற்பயிற்சி நிலைய வளாகத்தில் நடைபெற உள்ளது. இந்த முகாமில் அரசு, பொதுத்துறை நிறுவனங்கள் மற்றும் முன்னணி தனியார் நிறுவனங்கள் கலந்து கொண்டு ITI முடித்தவர்கள், 10ம் வகுப்பு, 12ம் வகுப்பு, டிப்ளமோ மற்றும் பட்டப்படிப்பு (BE/BA/BSc/B.Com உள்ளிட்டவை) முடித்தவர்களை தொழிற்பழகுநர் பயிற்சிக்கு தேர்வு செய்ய உள்ளனர்.

தொழிற்பழகுநர் சட்டம், 1961 கீழ் வழங்கப்படும் இந்த பயிற்சியின் மூலம் தேர்வு செய்யப்படும் விண்ணப்பதாரர்கள் தேசிய தொழிற்பழகுநர் சான்றிதழ் (NAC) பெறலாம். இதில் சேருபவர்களுக்கு மாதாந்திர ஊதியமாக ₹9,600 முதல் ₹18,000 வரை சம்பளம் வழங்கப்படும். மேலும், NAC பெற்றவர்களுக்கு அரசு வேலைவாய்ப்பில் முன்னுரிமை மற்றும் வயது வரம்பில் ஒரு வருட சலுகை வழங்கப்படும். டிப்ளமோ மற்றும் டிகிரி முடித்தவர்கள் NSDC/SSC வழங்கும் அப்ரண்டீஸ்ஷிப் சான்றிதழும் பெறலாம்.

இந்நிகழ்வில் கலந்து கொள்ள விரும்புவோர் அசல் கல்விச்சான்றிதழ்களுடன் 08.12.2025 காலை நேரில் முகாமில் பங்கேற்கலாம். கூடுதல் தகவல்களுக்கு மாவட்ட திறன் பயிற்சி அலுவலகம் (பழைய மாவட்ட ஆட்சியர் அலுவலகம் – 2வது தளம்) அல்லது 94422 86874 / 94999 37454 / 70108 65277 என்ற எண்களைக் தொடர்பு கொள்ளலாம் என்று மாவட்ட ஆட்சித்தலைவர் திரு. ரெ. சதீஸ், இ.ஆ.ப., தெரிவித்தார்.