தருமபுரியில் முதியோர் மற்றும் மாற்றுத்திறனாளிகளுக்கு வீடு தேடி பொதுவிநியோகப் பொருட்கள் வழங்கும் நடவடிக்கை.

தருமபுரி, நவ. 28 -

தருமபுரி மாவட்டத்தில் தமிழக முதலமைச்சரின் தாயுமானவர் திட்டம் தொடர்ச்சியாக செயல்படுத்தப்பட்டு வருகிறது. இந்தத் திட்டத்தின் கீழ் 70 வயதுக்கு மேற்பட்ட முதியோர் மற்றும் மாற்றுத்திறனாளிகள் உட்பட மொத்தம் 35,271 பயனாளிகளின் இல்லங்களுக்கு நேரடியாக பொதுவிநியோகத்திட்டப் பொருட்கள் மாதம் தோறும் வழங்கப்பட்டு வருகிறது.

அதன் அடிப்படையில், டிசம்பர் 2025 மாதத்திற்குரிய பொதுவிநியோகப் பொருட்கள் வரும் டிசம்பர் 2 மற்றும் 3 ஆம் தேதிகளில் பயனாளிகளின் இல்லங்களுக்கு சென்று வழங்கப்படும் என தருமபுரி மாவட்ட ஆட்சியர் தெரிவித்தார். அரசின் இந்த சிறப்புச் சலுகையை தகுதியுள்ள குடும்ப அட்டைதாரர்கள் பயன்படுத்திக் கொள்ளுமாறு மாவட்ட ஆட்சித்தலைவர் திரு. ரெ. சதீஸ், இ.ஆ.ப., அவர்கள் கேட்டுக்கொண்டார்.

---

© தகடூர்குரல்.காம் | செய்தி மற்றும் விளம்பர தொடர்புக்கு : 9843 663 662