வரும் 16ம் தேதி தருமபுரியில் மாபெரும் தனியார் துறை வேலைவாய்ப்பு முகாம் நடைபெறவுள்ளது.

தருமபுரி, அக். 14:

தருமபுரி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் சார்பில் தனியார் துறை வேலைவாய்ப்பு முகாம் வருகின்ற 16.10.2025 (வியாழக்கிழமை) காலை 10.00 மணிக்கு நடைபெற உள்ளது என மாவட்ட ஆட்சித்தலைவர் திரு. ரெ. சதீஸ், இ.ஆ.ப., அவர்கள் தெரிவித்துள்ளார். இம்முகாமில் பல்வேறு தனியார் துறை நிறுவனங்கள் பங்கேற்று, தங்களுக்கு தேவையான பணியாளர்களை நேரடியாக தேர்வு செய்யும் வாய்ப்பு பெறுகின்றன. இது முற்றிலும் இலவச பணியாளர் தேர்வு முகாம் ஆகும்.

இம்முகாமில் பங்கேற்கும் நிறுவனங்கள் விற்பனையாளர், மார்க்கெட்டிங் எக்ஸிக்யூட்டிவ், சூப்பர்வைசர், மேலாளர், கணினி ஆபரேட்டர், அக்கவுண்டன்ட், மெக்கானிக் உள்ளிட்ட பல்வேறு பணியிடங்களுக்காக நபர்களைத் தேர்வு செய்ய உள்ளன. பள்ளிப்படிப்பு, டிப்ளமோ, பட்டப்படிப்பு என பல்வேறு கல்வித்தகுதிகளைக் கொண்ட ஆட்கள் இதில் பங்கேற்கலாம். மேலும், இம்முகாம் மூலம் வேலைவாய்ப்பு பெறுபவர்களின் வேலைவாய்ப்பு பதிவு ரத்து செய்யப்படமாட்டாது என்றும் தெரிவிக்கப்பட்டுள்ளது.

எனவே, தகுதியும் விருப்பமும் உள்ளவர்கள் அனைவரும் இம்முகாமில் கலந்து கொண்டு பயன்பெறுமாறு மாவட்ட ஆட்சித்தலைவர் திரு. ரெ. சதீஸ், இ.ஆ.ப., அவர்கள் அழைப்பு விடுத்துள்ளார். 

📍 இடம்:

மாவட்ட வேலைவாய்ப்பு மற்றும் தொழில்நெறி வழிகாட்டும் மையம்,

தருமபுரி.

🕙 நேரம்:

16.10.2025 (வியாழக்கிழமை) காலை 10.00 மணி முதல்.