தன்னார்வ சட்டப்பணியாளர்கள் சேர்க்கை அறிவிப்பு - மாவட்ட ஆட்சியர் தகவல்.

தருமபுரி, அக். 15:

தருமபுரி மாவட்ட சட்ட பணிகள் ஆணையம் சார்பில், சட்ட உதவி மற்றும் சட்ட அறிவை பொதுமக்களுக்கு எடுத்துரைப்பதற்காக தன்னார்வ சட்டப்பணியாளர்கள் (Para Legal Volunteers) சேர்க்கப்பட உள்ளனர். மொத்தம் 21 தன்னார்வ சட்டப்பணியாளர்கள் தேர்ந்தெடுக்கப்படவுள்ளனர். அவர்கள் அலுவலர் உத்தரவுப்படி பணிபுரியும் நாட்களுக்கு மட்டும் நாள் ஒன்றுக்கு ரூ.750/- வீதம் மதிப்பூதியம் வழங்கப்படும்.

தருமபுரி மாவட்டத்தைச் சேர்ந்தவர்கள் கீழ்க்கண்ட பிரிவினரிலிருந்து விண்ணப்பிக்கலாம்:

1️⃣ ஆசிரியர்கள் (ஓய்வு பெற்றவர்கள் உட்பட)

2️⃣ ஓய்வு பெற்ற அரசு ஊழியர்கள் மற்றும் மூத்த குடிமக்கள்

3️⃣ சமூகப் பணியில் முதுநிலை கல்வி பயிலும் மாணவர்கள் மற்றும் ஆசிரியர்கள்

4️⃣ அங்கன்வாடி பணியாளர்கள்

5️⃣ மருத்துவர்கள் / உடல் நல நிபுணர்கள்

6️⃣ மாணவர்கள் மற்றும் சட்ட மாணவர்கள் (வழக்கறிஞராகப் பதிவு செய்யும் முன் வரை)

7️⃣ அரசு சாரா சமூக சேவை நிறுவனங்கள் மற்றும் சங்கப் பிரதிநிதிகள்

8️⃣ மகளிர் குழுக்கள் மற்றும் சுய உதவிக் குழு உறுப்பினர்கள்

9️⃣ நீண்டகால தண்டனை பெற்று சிறையில் உள்ள படித்த சிறைவாசிகள்

🔟 மாவட்ட/வட்ட சட்டப்பணிகள் ஆணையம் பொருத்தமானவர் என கருதும் நபர்கள்

தகுதியாக குறைந்தபட்சம் 10ஆம் வகுப்பு தேர்ச்சி பெற்றிருக்க வேண்டும். விண்ணப்பப் படிவத்தை 👉 https://dharmapuri.dcourts.gov.in/ என்ற இணையதளத்திலிருந்து பதிவிறக்கம் செய்யலாம்.

பூர்த்தி செய்யப்பட்ட விண்ணப்பத்துடன் தேவையான ஆவணங்களை இணைத்து கீழ்க்கண்ட முகவரிக்கு 25.10.2025 மாலை 5.45 மணிக்குள் பதிவு தபால் மூலமாகவோ அல்லது நேரிலோ அனுப்ப வேண்டும்: 📍 மாவட்ட சட்ட பணிகள் ஆணையக்குழு, நீதிமன்ற வளாகம், ADR அலுவலகம், தடங்கம், தருமபுரி – 636705

கடைசி தேதிக்குப் பிறகு பெறப்படும் விண்ணப்பங்கள் ஏற்கப்படமாட்டாது. தேர்ந்தெடுக்கப்படும் நபர்கள் நிரந்தர பணிக்குரிய உரிமை கோர முடியாது; வேலை செய்த நாட்களுக்கு மட்டும் மதிப்பூதியம் வழங்கப்படும். சேவை மனப்பான்மை கொண்டவர்கள் மட்டுமே விண்ணப்பிக்க வேண்டும் என மாவட்ட ஆட்சித்தலைவர் திரு. ரே. சதீஷ், இ.ஆ.ப. அவர்கள் தெரிவித்துள்ளார்.