வேலைவாய்ப்பு அறிவிப்பு: மின்கம்பியாள் உதவியாளர் தகுதிகாண் தேர்வு – டிசம்பர் 13 & 14, 2025.

தருமபுரி, அக். 07 -

தருமபுரி மாவட்டத்தில் 2025-ம் ஆண்டு டிசம்பர் 13 மற்றும் 14 ஆகிய தேதிகளில் மின்கம்பியாள் உதவியாளர் தகுதிகாண் தேர்வு (Wireman Helper Competency Examination) நடைபெறவுள்ளது.

இத்தேர்வில் தகுதியான விண்ணப்பதாரர்கள், குறிப்பாக:

• மின்கம்பியாள் பிரிவில் பயிற்சி பெற்ற கம்பியாள் உதவியாளர்கள்,

• மாலைநேர தொழிற்சாலை வகுப்புகளில் பயிற்சி பெற்ற தொழிலாளர்கள்,

• தேசிய புனரமைப்புத் திட்டத்தின் கீழ் மின்சாரப் பணியாளர் மற்றும் கம்பியாள் தொழிற்பிரிவுகளில் பயிற்சி பெற்றவர்கள், விண்ணப்பிக்கலாம்.

தகுதி:

• விண்ணப்பதாரர் மின் ஒயரிங் தொழிலில் குறைந்தது 5 வருடங்கள் செய்முறை அனுபவம் கொண்டவராக இருக்க வேண்டும்.

• விண்ணப்பிக்கும் நாளில் 21 வயது நிரம்பியவர் ஆவார்.

• அதிகபட்ச வயது வரம்பு இல்லை.

விண்ணப்பப் படிவம் மற்றும் விளக்கக் குறிப்பேட்டை http://skilltraining.tn.gov.in என்ற இணையதளத்தில் பதிவிறக்கம் செய்து கொள்ளலாம்.

விண்ணப்பம் அனுப்பும் முகவரி:

• பூர்த்தி செய்யப்பட்ட விண்ணப்பங்கள் தருமபுரி அரசினர் தொழிற்பயிற்சி நிலையத்திற்கு அனுப்பப்பட வேண்டும்.

• போதுமான விண்ணப்பங்கள் பெறப்படாத நிலையில், தேர்வு மையங்கள் அருகிலுள்ள அரசு தொழிற்பயிற்சி நிலையங்களுக்கு மாற்றப்படலாம்.

• தேர்வு மையம் தொடர்பாக இறுதி முடிவை துறைத் தலைவர் அறிவிப்பார்.

முடிவின் கடைசி தேதி:

• 17.10.2025 முன் பூர்த்தி செய்யப்பட்ட விண்ணப்பங்களை தருமபுரி அரசு தொழிற்பயிற்சி நிலைய முதல்வர் அவர்களுக்கு அனுப்ப வேண்டும்.

இவ்வாறு மாவட்ட ஆட்சித்தலைவர் திரு. ரெ. சதீஸ், இ.ஆ.ப. தெரிவித்துள்ளனர்.