ஆதிதிராவிடர் மற்றும் பழங்குடியின இளைஞர்களுக்கு வீடியோ எடிட்டிங் பயிற்சி – தாட்கோ அறிவிப்பு.

தருமபுரி, ஆக. 1 | ஆவணி 6 -

தமிழ்நாடு ஆதிதிராவிடர் வீட்டுவசதி மற்றும் மேம்பாட்டுக் கழகம் (தாட்கோ) மூலமாக, ஆதிதிராவிடர் மற்றும் பழங்குடியின இளைஞர்களுக்கு “Certification in Videography and Video Editing” பயிற்சி வழங்கப்படவுள்ளது என்று தருமபுரி மாவட்ட ஆட்சித்தலைவர் திரு. ரெ. சதீஸ், இ.ஆ.ப., தெரிவித்துள்ளார்.

ஆதிதிராவிடர் மற்றும் பழங்குடியின இளைஞர்களுக்கான பல்வேறு திறன் அடிப்படையிலான பயிற்சிகளை தாட்கோ தொடர்ந்து வழங்கி வருகிறது. இதன் தொடர்ச்சியாக, வீடியோ எடுப்பும் (Videography) மற்றும் வீடியோ எடிட்டிங் (Video Editing) பயிற்சியும் இம்முறை நடத்தப்படவுள்ளது.

விண்ணப்பிக்க தகுதி

• ஆதிதிராவிடர் / பழங்குடியினத்தைச் சேர்ந்தவராக இருக்க வேண்டும்.

• குடும்ப ஆண்டு வருமானம் ரூ.3.00 இலட்சத்திற்குள் இருக்க வேண்டும்.

• பன்னிரெண்டாம் வகுப்பு தேர்ச்சி பெற்றிருக்க வேண்டும்.

• வயது 18 முதல் 30 வரை இருக்க வேண்டும்.

பயிற்சி காலம்: 3 மாதங்கள்

பயிற்சி நிறைவுக்குப் பிறகு: சான்றிதழ் வழங்கப்படும் மற்றும் வேலைவாய்ப்பிற்கான வழிகாட்டுதலும் வழங்கப்படும்.

வசதி: தங்கும் இடமும் உணவும் தாட்கோ மூலமாக வழங்கப்படும்.

விண்ணப்பிக்கும் முறை:

தாட்கோ இணையதளம் www.tahdco.com மூலம் விண்ணப்பிக்கலாம்.

தொடர்பு முகவரி:

தாட்கோ மாவட்ட மேலாளர் அலுவலகம்,

எண்-3, சாலை, விநாயகர் கோவில் ரோடு,

விருப்பாட்சிப்புரம், தருமபுரி.

மாவட்ட ஆட்சித்தலைவர், திரு. ரெ. சதீஸ், இ.ஆ.ப., அவர்கள் இத்தகவலை தெரிவித்துள்ளனர்.