ஒகேனக்கல் உபரி நீர்த் திட்டத்தை உடனடியாக நிறைவேற்ற கோரிக்கை – மக்கள் ராஜ்ஜியம் கட்சியின் பொதுக்கூட்ட தீர்மானம்.

தருமபுரி, 11 ஆகஸ்ட் 2025 | ஆடி 26 -

தருமபுரி ஜோதி மகாலில் மக்கள் ராஜ்ஜியம் கட்சியின் அரசியல் எழுச்சி பொதுக்கூட்டம் நடைபெற்றது. மாவட்ட செயலாளர் ஜி. ஜெயராமன் தலைமை தாங்க, பொதுச்செயலாளர் டாக்டர் PJ. வடிவேலன் முன்னிலை வகித்தார். மாவட்ட பொருளாளர் டி. முத்துசாமி வரவேற்புரை ஆற்றினார். கட்சியின் நிறுவனர் தலைவர் பு. இரா. சிவசாமி முக்கிய உரையாற்றினார்.

கூட்டத்தில் நிறைவேற்றப்பட்ட முக்கிய தீர்மானங்கள்

1. வீட்டுமனை பட்டா வழங்கல் – தருமபுரி மாவட்டத்தில் வாழும் பட்டா இல்லாத போயர் இன மக்களுக்கு இலவச பட்டா மற்றும் வீடு கட்டிட நடவடிக்கை.

2. உள்ளாட்சி பதவிகளில் ஒதுக்கீடு – கவுன்சிலர், ஊராட்சி மன்றத் தலைவர் பதவிகளுக்கு தனி ஒதுக்கீடு.

3. கல் தொழிலாளர்கள் உரிமைகள் – நிலத்தடி கல் உடைக்கும் தொழிலுக்கு தனிச் சட்டம், உரிமம் வழங்கல்.

4. ஒகேனக்கல் உபநீர் திட்டம் – விவசாய நிலங்களைப் பாசனத்திற்கு ஏரி, குளங்களில் நீர் நிரப்ப நடவடிக்கை.

5. சாதிவாரி கணக்கெடுப்பு – ஒவ்வொரு சமூகத்தின் உட்பிரிவுகளையும் கணக்கெடுப்பில் பதிவு செய்தல்.

6. கல் குவாரிகள் ஒதுக்கீடு – பிணைத் தொகை இல்லாமல் 20% குவாரிகள் முன்னுரிமை அடிப்படையில் வழங்கல்.

7. இளைஞர், மகளிர் தொழில் முயற்சி – அடமானமின்றி மானிய வங்கி கடன் வழங்கல்.

8. போயர் நல வாரியம் – 13 பிரிவுகளாக வாழும் போயர் மக்களுக்கு மாநில அளவில் வாரியம் அமைத்தல்.

9. ஒரே சாதி அங்கீகாரம் – கல்வி, வேலை, அரசியல் இட ஒதுக்கீடு ஒரே சாதி அடிப்படையில் வழங்கல்.

10. மதுவிலக்கு நடவடிக்கை – டாஸ்மாக் கடைகள் மூடுதல், தென்னை/பனை கள் இறக்க அனுமதி.

2026 சட்டமன்றத் தேர்தலில் போயர், ஓட்டர் சமூகங்களின் அரசியல் பங்கேற்பை உறுதி செய்யும் வகையில், டிசம்பர் மாதத்திற்குள் தமிழகம் முழுவதும் பூத் கமிட்டிகள் அமைப்பது தீர்மானிக்கப்பட்டது. கூட்டத்தில் V.P. அழகையன், டாக்டர் சி. முனிரத்தினம், சி. சிவராஜ் உள்ளிட்டோர் கலந்து பேசினர். இறுதியாக கே. ஜெயராமன் நன்றி தெரிவித்தார்.