தருமபுரி, ஜூலை 3 (ஆனி 18):
2025-2026ஆம் கல்வியாண்டில் தருமபுரி அரசு கலை மற்றும் அறிவியல் கல்லூரியில் புதியதாக சேரும் மாணவர்களுக்கான ஒரு வார கால அறிமுகப் பயிற்சி நிகழ்ச்சி இன்று தொடங்கப்பட்டது. இந்நிகழ்ச்சியை மாவட்ட ஆட்சித்தலைவர் திரு. ரெ. சதீஸ், இ.ஆ.ப., அவர்கள் துவக்கி வைத்தார்.
மாணவர்களை நேரில் சந்தித்த ஆட்சித்தலைவர், பள்ளி வாழ்க்கையை முடித்து, உயர்கல்விக்குள் நுழையும் இளைய தலைமுறையினருக்கு தனது வாழ்த்துகளை தெரிவித்தார். “கல்லூரிக் காலம் என்பது வாழ்க்கையின் அடித்தளக் கட்டமாகும். கல்வி மட்டுமின்றி நட்பு, அனுபவ அறிவு, பொது அறிவு மற்றும் வாழ்க்கைத் திறன்களையும் இந்த பருவத்தில் மாணவர்கள் வளர்த்துக் கொள்ள வேண்டும்,” என தெரிவித்தார்.
அவரது உரையில், மாணவர்கள் குறிக்கோளுடன் கல்வியை பின்பற்றி, அரசு வழங்கும் கல்வி உதவித் திட்டங்களை முழுமையாக பயனடைந்து, தங்களை வெற்றியாளர்களாக வளர்த்துக் கொள்ள வேண்டும் என வலியுறுத்தினார். மேலும், மாணவிகளுக்கான புதுமைப்பெண் திட்டம் மற்றும் மாணவர்களுக்கான தமிழ்புதல்வன் திட்டம் உள்ளிட்ட பல்வேறு நலத்திட்டங்கள் பற்றியும் விளக்கினார். இந்த வாயிலாக மாதந்தோறும் வழங்கப்படும் நிதி உதவிகளை மாணவர்கள் பயன்படுத்த வேண்டும் என்றும் கூறினார்.
நிகழ்வில் கல்லூரி முதல்வர் திரு. கண்ணன், பேராசிரியர்கள், அரசுத்துறை அதிகாரிகள், மாணவ, மாணவியர்கள் பலரும் கலந்துகொண்டனர். இவ்வாறு அரசு கலை மற்றும் அறிவியல் கல்லூரி, தருமபுரியில் புதிய மாணவர்களுக்கு கல்வி, நலத்திட்டங்கள் மற்றும் வாழ்க்கை வழிகாட்டுதல்களை மையமாகக் கொண்டு அறிமுகப் பயிற்சி பயனுள்ளதாக ஆரம்பிக்கப்பட்டது.
