முதலமைச்சர் கோப்பை 2025: மாவட்ட அளவிலான விளையாட்டு போட்டிகளுக்கான முன்பதிவு தொடக்கம்.

தருமபுரி, ஜூலை 30 | ஆடி 14 -:

முதலமைச்சர் கோப்பை 2025 விளையாட்டு போட்டிகளுக்கான மாவட்ட நிலை முன்னேற்பாடுகள் முழுவீச்சில் நடைபெற்று வருகின்றன. பள்ளி மற்றும் கல்லூரி மாணவர்கள், பொதுமக்கள், அரசு ஊழியர்கள் மற்றும் மாற்றுத்திறனாளிகள் உள்ளிட்ட பல்வேறு பிரிவுகளை உள்ளடக்கிய இந்த போட்டிகளுக்காக மொத்தமாக ரூ.37 கோடி பரிசுத்தொகை ஒதுக்கப்பட்டுள்ளது.

பள்ளி மாணவர்களுக்கான 19 வயதுக்குட்பட்ட பிரிவிலும், கல்லூரி மாணவர்களுக்கான 25 வயதுக்குட்பட்ட பிரிவிலும் தடகளம், பாட்மின்டன், கால்பந்து, சதுரங்கம், நீச்சல் உள்ளிட்ட பல்வேறு விளையாட்டுப் போட்டிகள் ஒன்றியம் மற்றும் மாவட்ட அளவில் நடத்தப்படுகின்றன. இப்பிரிவில் கலந்து கொள்ள வேண்டியவர்கள் 01.01.2007 பிறகு பிறந்தவர்களாக இருக்க வேண்டும்.

15 முதல் 35 வயதுக்குட்பட்ட பொதுமக்களுக்கான பிரிவில் தடகளம், சிலம்பம், கூடையிழுப்பு, கரம், சதுரங்கம் போன்ற விளையாட்டுகள் தாலுக்கா அளவில் நடைபெறும். அரசு ஊழியர்களுக்காகவும், வயது வரம்பின்றி, தடகளம், கயிறு இழுத்தல், கூடைபந்து, கரம் போன்ற போட்டிகள் மாவட்ட அளவில் நடைபெற உள்ளது. மாற்றுத்திறனாளிகளுக்காக அவர்களின் தன்மையை பொறுத்து தனித்தனியாக தடகளம் மற்றும் சதுரங்கம் போன்ற போட்டிகள் நடத்தப்படுகின்றன.

பரிசுகள் தொடர்பான விபரம்:

ஒன்றியம் நிலை போட்டிகளில் முதல் பரிசு ₹750, இரண்டாம் பரிசு ₹500, மூன்றாம் பரிசு ₹250 ஆகும். மாவட்ட நிலை பரிசுகள் ₹1000 முதல் ₹500 வரை நிர்ணயிக்கப்பட்டுள்ளன. மாநில அளவிலான வெற்றியாளர்களுக்கு ₹5000 முதல் ₹2000 வரை பரிசுகள் வழங்கப்படும். போட்டிகளில் பங்கேற்க விருப்பமுள்ளவர்கள் தங்களை இணையதளத்தின் மூலம் பதிவு செய்ய வேண்டும். விண்ணப்பிக்க கடைசி நாள் ஆகஸ்ட் 16, 2025 ஆகும்.

இந்த முயற்சி ஊரக மற்றும் நகர்ப்புற மாணவர்களிடையே விளையாட்டு விழிப்புணர்வை ஏற்படுத்தி, திறமைகளை மாநில மட்டத்தில் வெளிப்படுத்த ஊக்கமளிக்கப்படுகிறது.