தருமபுரி ஊரக வளர்ச்சி துறை சார்பில் பழைய ஈப்பு வாகனம் ஏலம் – மே 13ஆம் தேதி நடைபெறும்.

தருமபுரி, மே 09:

தருமபுரி மாவட்ட ஊரக வளர்ச்சி மற்றும் ஊராட்சி அலகு, உதவி செயற்பொறியாளர் (ஊ.வ) பென்னாகரம் உபகோட்டத்தின் பயன்பாட்டில் இருந்த TN 29 G 0734 என்ற பதிவு எண்ணைக் கொண்ட பழைய ஈப்பு வாகனம் கழிவுப் பொருளாக அறிவிக்கப்பட்டுள்ளது. இத்தகவலைத் தொடர்ந்து, மே 13, 2025 அன்று பிற்பகல் 4.00 மணியளவில், தருமபுரி மாவட்ட ஆட்சியர் அலுவலகத்தில் உள்ள மாவட்ட ஊரக வளர்ச்சி முகமை, கூடுதல் ஆட்சியர் (வளர்ச்சி) / திட்ட இயக்குநர் அலுவலகத்தில் பொது ஏலம் நடத்தப்படும்.

மேற்படி வாகன ஏலத்தில் பங்கேற்க விருப்பமுள்ளவர்கள் நேரில் வந்து விலைப்புள்ளியை முன்வைத்து ஏலத்தில் பங்கேற்கலாம் என மாவட்ட ஊரக வளர்ச்சி முகமை திட்ட இயக்குநர் செல்வி. அ. கேத்தரின் சரண்யா அவர்கள் அறிவித்துள்ளார். அரசு நிறுவனங்களின் பழைய சொத்துகளுக்கான இதுபோன்ற பொது ஏலங்கள், பொதுமக்களுக்கு நேரடி வாய்ப்புகளை அளிக்கும் ஒரு நல்ல நடைமுறை என குறிப்பிடப்படுகிறது.