தர்மபுரி மாவட்டத்தின் முக்கிய இடங்களில் ஒன்றான பாலக்கோடு பேருந்து நிலையத்தில், பயணிகள் நலனை கருத்தில் கொண்டு புதிய சுத்திகரிக்கப்பட்ட குடிநீர் நிலையம் அமைக்கும் பணிகள் துவங்கியுள்ளன. இத்திட்டத்தின் பூமி பூஜை நிகழ்ச்சி, பேரூராட்சி தலைவர் பி.கே. முரளி தலைமையில் இன்று சிறப்பாக நடைபெற்றது.
பாலக்கோடு பேருந்து நிலையம் என்பது முக்கியமான போக்குவரத்து மையமாகும். இங்கிருந்து தினமும் சுமார் 200 பேருந்துகள் – அரசு மற்றும் தனியார் – இயக்கப்படுகின்றன. மேலும் 5,000க்கும் மேற்பட்ட பயணிகள் நாள் முழுவதும் இங்கு வருகை தருகிறார்கள். குறிப்பாக, கொடிய கோடையில் பயணிகள் தண்ணீருக்காக அவதிப்படுவதைக் கருத்தில் கொண்டு, இத்தகைய குடிநீர் வசதியை ஏற்படுத்தும் முயற்சி பாராட்டத்தக்கது.
இத்திட்டம் 15வது நிதிக்குழு மானியத் திட்டத்தின் கீழ் ரூ.10.50 லட்சம் ஒதுக்கீடில் அமையவிருக்கிறது. சுத்திகரிக்கப்பட்ட குடிநீர் நிலையம் பயணிகள் மட்டும் அல்லாமல் பேருந்து நிலையத்தில் பணியாற்றும் ஊழியர்களுக்கும் பெரும் நிவாரணமாக அமையும்.
நிகழ்ச்சியில் பேரூராட்சி செயல் அலுவலர் இந்துமதி முன்னிலை வகித்தார். மேலும் துப்புரவு ஆய்வாளர் ரவீந்திரன், உதவி பொறியாளர் முருகன், மீனவர் அணி மாவட்ட துணை அமைப்பாளர் குமரன், கவுன்சிலர்கள் மோகன், சரவணன், ஜெயந்திமோகன், தீபா சரவணன், ரூஹித், லட்சுமி ராஜசேகர், திமுக அவைத் தலைவர் அமானுல்லா, கிளைச் செயலாளர்கள் ராஜீ, கணேசன், ஆறுமுகம், பனங்காடு குமரன், மற்றும் தகவல் தொழில்நுட்ப நிர்வாகி ஸ்ரீதர் உள்ளிட்ட பலர் கலந்துகொண்டு நிகழ்ச்சியை சிறப்பித்தனர்.
இந்த குடிநீர் நிலையம் திறக்கப்படும் நாளை பயணிகள் ஆவலுடன் எதிர்பார்க்கின்றனர். இதுபோன்ற மக்கள் நல திட்டங்களை ஊக்குவித்து செயல்படுத்தும் முயற்சிகள் மேலும் பல பகுதிகளில் நடைப்பெற வேண்டும் என்ற எதிர்பார்ப்பு பொதுமக்களில் எழுந்துள்ளது.
கருத்துகள் இல்லை:
கருத்துரையிடுக