“தமிழ்ப் புதல்வன்” திட்டத்தின் கீழ் பயனடைந்த மாணவர்களுடன் “நிறைந்தது மனம்” நிகழ்ச்சி.

தருமபுரி, ஏப்.28 -

தருமபுரி மாவட்ட ஆட்சியர் அலுவலகத்தில் “தமிழ்ப் புதல்வன்” திட்டத்தின் கீழ் பயனடைந்த மாணவர்களுடன் “நிறைந்தது மனம்” நிகழ்ச்சி நடைபெற்றது. இந்நிகழ்ச்சியில் மாவட்ட ஆட்சித்தலைவர் திரு.ரெ.சதீஸ், இ.ஆ.ப., அவர்கள் கலந்துரையாடி, இத்திட்டத்தின் பயன், கற்றல் திறன் மற்றும் கல்வி வழிகாட்டுதல்கள் குறித்து கேட்டறிந்தார்.

திரு.ரெ.சதீஸ் அவர்களின் அறிவிப்புகள்:

மாண்புமிகு தமிழ்நாடு முதலமைச்சர் அவர்கள் தமிழ்நாட்டில் பெண்களின் உயர்கல்வியை உறுதி செய்ய “புதுமைப் பெண் திட்டம்” தொடங்கியதில் மாபெரும் வெற்றி பெற்றது. இது பெண்களின் உயர்கல்வியில் முன்னேற்றத்தை ஏற்படுத்தியுள்ளதுடன், அரசுப் பள்ளிகளில் பயின்ற ஏழை எளிய மாணவர்களை சாதனையாளர்களாக உருவாக்க “தமிழ்ப் புதல்வன்” திட்டம் அறிமுகப்படுத்தப்பட்டது. இந்த திட்டத்தின் மூலம் அரசு பள்ளிகளில் 6 முதல் 12-ஆம் வகுப்பு வரை பயின்று உயர்கல்வி சேரும் மாணவர்களுக்கு மாதந்தோறும் ரூ.1000/- நிதி உதவி வழங்கப்படுகிறது.

தருமபுரி மாவட்டத்தில் தற்போது “தமிழ் புதல்வன்” திட்டத்தின் கீழ் 75 கல்லூரிகளில் 11,437 மாணவர்கள் பயனடைந்து வருகின்றனர். மாணவர்களுக்கு வழங்கப்பட்ட நிதி உதவியை அவர்கள் கற்றல் மேம்பாட்டுக்கு பயன்படுத்த வேண்டும் என்று ஆட்சித்தலைவர் தெரிவித்தார்.

மாணவர்களின் கருத்துகள்:

1. தீபக் (செட்டிக்கரை அரசு பொறியியல் கல்லூரி மாணவர்):
   “என் குடும்பம் மிகவும் ஏழ்மையானது. தமிழ்ப் புதல்வன் திட்டத்தின் கீழ் ரூ.1,000/- வழங்கப்படுவதன் மூலம் என் படிப்பு செலவுகளை தீர்க்க முடிகிறது. இந்த உதவி, என்னை போன்று ஏழை மாணவர்களுக்கு மிகுந்த ஊக்கம் தருகிறது. தமிழ்நாடு முதலமைச்சருக்கு என் நன்றிகள்.”

2. தங்கமணி (டான் பாஸ்கோ கலை அறிவியல் கல்லூரி மாணவர்):
   “எனது படிப்பை கஷ்டப்பட்டு முடிக்கின்றேன். இப்போது தமிழ்ப் புதல்வன் திட்டத்தின் கீழ் ரூ.1,000/- கிடைத்ததால், என் படிப்பு செலவுகளை எளிதாக பேண முடிகிறது. இந்த உதவி எனக்கு பெரிதும் உதவுகிறது. தமிழ்நாடு முதலமைச்சருக்கு நன்றி.”

இந்த நிகழ்ச்சி, மாணவர்களின் கல்வியை ஊக்குவிக்கும் வகையில் “தமிழ் புதல்வன்” திட்டத்தின் செயல்பாட்டை முன்னேற்றுவது என்று திரு.ரெ.சதீஸ் அவர்கள் தெரிவித்தார்.