பி. வேலம்பட்டியில் ராஜகணபதி, மகா மாரியம்மன், கல்யாண சிவசுப்பிரமணியர் கோயில் கும்பாபிஷேக விழா பக்தி பரவசத்தில் கோலாகலமாக நடைபெற்றது.

பாப்பாரப்பட்டி, மே 1, 2025

தர்மபுரி மாவட்டம் பென்னாகரம் வட்டம் பி.வேலம்பட்டி கிராமத்தில் அமைந்துள்ள அருள்மிகு ஸ்ரீ ராஜகணபதி, ஸ்ரீ மகா மாரியம்மன், வள்ளி-தேவசேனா உடனமர் கல்யாண சிவசுப்பிரமணியர் கோயிலில் மகா கும்பாபிஷேக விழா நேற்று பக்தி பரவசத்தில் விமரிசையாக நடைபெற்றது.

ஏற்கனவே கடந்த ஏப்ரல் 25ம் தேதி முகூர்த்தக்கால் நட்டு, கொடியேற்றத்துடன் விழா ஆரம்பமாகியது. தொடக்க நாளிலேயே கணபதி ஹோமம், புண்யாகவாசனம், பூர்ணகுதி மற்றும் தீபாராதனை நடைபெற்றது. தொடர்ந்த ஞாயிற்றுக்கிழமை அன்று சரஸ்வதி, லட்சுமி, கணபதி பூஜைகள், கோபூஜை மற்றும் தீர்த்தக் கூட ஊர்வலமும் பரம பக்திசாலியுடன் நடைபெற்றது.

மண்டல யாகசாலை பிரவேசம், அங்குரார்ப்பணம், ரக்ஷாபந்தனம், கும்ப ஸ்தாபனம் என ஒவ்வொரு நாளும் வேதமந்திர ஒலி மற்றும் பக்தர்களின் ஆராதனையில் விழா அர்ப்பணிப்புடன் முன்னேறியது. 108 மூலிகைகளை கொண்டு யாக பூஜைகள் நடத்தப்பட்டு, அஸ்டபந்தனம், எந்திர ஸ்தாபனம் என சாமிகளுக்கு மரியாதை நிகழ்த்தப்பட்டது.

நேற்று காலை நடைபெற்ற நான்காம் கால யாக பூஜை, பூர்ணாகுதி, மகா தீபாராதனை உள்ளிட்ட நிகழ்வுகளின் பின், ராஜகணபதி, கல்யாணசுப்பிரமணியர் மற்றும் மாரியம்மன் சாமிகளுக்கும் கோபுரத்துக்கும் மகா கும்பாபிஷேகம் நடத்தப்பட்டது. இதில் பக்தர்கள் அதிக அளவில் பங்கேற்று சாமி தரிசனம் செய்து ஆனந்தமடைந்தனர்.

இதையொட்டி சுவாமிகளுக்கு சிறப்பு அபிஷேகம், அலங்கார பூஜை, மகா தீபாராதனை நடந்தது. பக்தர்களுக்காக அன்னதானம் வழங்கப்பட்டதோடு, இன்றிலிருந்து தொடர்ந்து 24 நாட்கள் மண்டல பூஜைகள் நடைபெற உள்ளன. விழா ஒழுங்குகளை ஊர் கவுண்டர் வி.பி.மணி, மந்திரி கவுண்டர் வி.பி.குமரேசன், கோல்காரர் மாதையன் மற்றும் ஊர் பொதுமக்கள் ஒருங்கிணைந்து சிறப்பாக செய்திருந்தனர். இந்த புனித நிகழ்வால் பி.வேலம்பட்டி கிராமம் ஆன்மிக அதிர்வால் நெகிழ்ந்தது.