தருமபுரி மாவட்டத்தில் வெயில் அதிகரித்துள்ள நிலையில், மக்கள் உடல் ஆரோக்கியத்தை பாதுகாக்க சில முக்கிய பாதுகாப்பு நடவடிக்கைகளை மேற்கொள்ள வேண்டும். வெயில் தாக்கத்திலிருந்து பாதுகாப்பாக இருக்க அதிகளவில் நீர் பருக வேண்டும். தாகம் இல்லை என்றாலும் போதிய அளவில் நீர் குடிக்க வேண்டும். குளிர்பானங்கள், சூடான பானங்களை தவிர்த்து, மோர், இளநீர், உப்பு கலந்த எலுமிச்சை சாறு, அரிசிக் கஞ்சி போன்றவற்றைப் பருகலாம்.
வெப்பத்திலிருந்து பாதுகாப்பு:
- வெயில் அதிகமாக இருக்கும் நேரங்களில் வெளியே செல்லுவதை தவிர்க்க வேண்டும்.
- வெளியில் வேலை செய்யும்போது, தலையில் பருத்தி துணி அணிந்து கொள்ள வேண்டும்.
- மிருதுவான, பருத்தி ஆடைகளை அணிந்து வியர்வை வெளியேற உதவ வேண்டும்.
- அதிகம் களைப்பாக இருந்தால், நிழலில் ஓய்வு எடுக்க வேண்டும்.
அதிரவியல் மற்றும் உடல்நலக் குறைவுகளின் போது எடுக்க வேண்டிய நடவடிக்கைகள்:
- தலைவலி, தலைசுற்றல், உடல் சோர்வு போன்ற அறிகுறிகள் ஏற்பட்டால், உடனடியாக நிழல் இருக்கும் இடத்திற்கு செல்ல வேண்டும்.
- அதிக தாகம், மயக்கம் போன்றவை தோன்றினால் உடனடியாக மருத்துவ உதவியை நாட வேண்டும்.
- வெயில் தாக்கம் ஏற்பட்டவர்களுக்கு ஆஸ்பிரின், பாராசிட்டமால் மாத்திரைகளை வழங்கக்கூடாது.
கால்நடை பாதுகாப்பு:
- கால்நடைகளை நிழலான இடங்களில் கட்டி வைக்க வேண்டும்.
- தேவையான அளவு நீர், பசுந்தீவனம் வழங்க வேண்டும்.
- கால்நடைகளை தாக்கும் நோய்களை தடுப்பதற்கான வழிமுறைகளை கால்நடை துறையினரிடம் இருந்து கேட்டறிந்து செயல்பட வேண்டும்.
கோடைகாலத்தில் குழந்தைகள், கர்ப்பிணி பெண்கள், முதியவர்கள் உள்ளிட்டவர்கள் அதிக கவனம் செலுத்த வேண்டும். பொதுமக்கள், வெயிலின் தாக்கத்திலிருந்து தங்களைப் பாதுகாத்து கொள்ள அரசின் வழிகாட்டு நெறிமுறைகளை கடைபிடிக்க வேண்டும் என மாவட்ட ஆட்சித்தலைவர் அறிவுறுத்தினார்.
கருத்துகள் இல்லை:
கருத்துரையிடுக