பள்ளி வாகன ஓட்டுனரால் கடத்தப்பட்ட 11ஆம் வகுப்பு மாணவி பெங்களுருவில் மீட்பு.

தருமபுரி மாவட்டம் அரூர் அடுத்த பாப்பம்பாடியில் உள்ள சிகரம் மெட்ரிக் பள்ளியில் 11ஆம் வகுப்பு  படிக்கும் பள்ளி மாணவி, கடந்த 21 தேதியன்று பள்ளி வாகன ஓட்டுநர் கார்த்திக் உதவியுடன். அதே பள்ளியின் ஓட்டுநர் கார்திக்-ன் நெருங்கிய நண்பர் அஜித், அப்பெண்ணிடம் ஆசை வார்த்தை கூறி அவருடைய இருசக்கர வாகனத்தில் கடத்தப்பட்டுள்ளார். பள்ளிக்கு சென்ற மாணவி வீடு திரும்பாததால் சந்தேகம் அடைந்த பெற்றோர்கள் அரூர் காவல் நிலையத்தில் புகார் தெரிவித்தனர். 

இதுகுறித்து ஓட்டுனர் கார்த்திக்கிடம் காவல்துறை விசாரணை மேற்கொண்டதில் கார்த்திக்கிடம் எந்த தகவலும் காவல்துறையினரால் பெற முடியவில்லை இதனால் கடத்தலுக்கு உதவியாக இருந்த ஓட்டுனர் கார்த்திகை கடந்த 31 ஆம் தேதி அன்று போக்சோ சட்டத்தில் கைது செய்து சிறையில் அகை்கப்பட்டனர்.

சேலம், ஏற்காடு, ஓசூர், பெங்களூர் உள்ளிட்ட பல்வேறு பகுதிகளில் ஓட்டுநர் அஜித்தை தேடிவந்த நிலையில் பெங்களூருவில் அரூர் உட்கோட்ட குற்றப்பிரிவு தனிப்படை போலீசாரால் பிடிக்கப்பட்டு அஜித்திடம் இருந்த மாணவியை மீட்டு அரூர் காவல் நிலையத்திற்கு அழைத்துவந்து விசாரணை மேற்கொண்டு வந்தனர்.

மேலும் ஓட்டுநர் அஜித், ஏற்கனவே மூன்று பெண்களை திருமணம் செய்துள்ள நிலையில் இவருக்கு குழந்தைகள் ஏதும் இல்லை என்பது குறிப்பிடத்தக்கது. இந்த நிலையில் ஓட்டுநரை கைது செய்து எஸ்சி எஸ்டி வன்கொடுமைத் தடுப்புச் சட்டம், பெண் குழந்தைகள் கடத்தல் மற்றும் போக்சோ ஆகிய மூன்று சட்டத்தின் கீழ் வழக்குப்பதிவு செய்து சிறையில் அடைத்தனர்.

அரூர் சுற்றுவட்டார பகுதியில் உள்ள தனியார் பள்ளிகளில் இதுபோன்ற சம்பவங்கள் அதிகமாக நடைபெற்று வருகிறது. எனவே பள்ளி மாணவிகள் மீது மாவட்ட நிர்வாகம் தனி அக்கறை கொண்டு போதிய விழிப்புணர்வு ஏற்படுத்த வேண்டும் அதேபோல் பெற்றோர்களும் தங்களின் குழைந்தைகள் மீது கவணம் செலுத்தவேண்டும் என சமூக ஆர்வலர்கள் கோரிக்கை விடுத்துள்ளனர்.