சமாதானத்திற்கான மகாத்மா காந்தி விருதிற்கு விண்ணப்பங்கள் வரவேற்பு.

இந்திய அரசு, 2022ஆம் ஆண்டிற்கு, கடந்த 10 ஆண்டுகளில் சமூக நலன், பொருளாதாரம், அகிம்சை முறையில் அரசியல் மாற்றங்கள் மற்றும் இதர காந்திய நெறிமுறைகளில் சிறந்து விளங்கிய தனி நபர்கள் மற்றும் நிறுவனங்களிடமிருந்து சமாதானத்திற்கான காந்தி அமைதி பரிசு வழங்க உள்ளது. இதற்கான விண்ணப்பங்கள் வரவேற்கப்படுகிறது.

சமூகத்தில் சிறந்த பங்களிப்பிற்கான தனிநபர்கள் மற்றும் நிறுவனங்களுக்கு இந்த விருது வழங்கப்படுகிறது. வன்முறையற்ற மற்றும் பிற காந்திய முறைகள் மூலம் பொருளாதார மற்றும் அரசியல் மாற்றம், மனித துன்பங்களைத் தணிக்க, குறிப்பாக சமூகத்தின் குறைந்த முன்னுரிமைப் பிரிவினரின் சமூக நீதி மற்றும் நல்லிணக்கத்திற்கு பங்களிக்கிறது. 

இந்த விருது தேசியம், இனம், மதம் அல்லது பாலினம் ஆகியவற்றை பொருட்படுத்தாமல் அனைத்து நபர்களுக்கும் பொருந்தும். பொதுவாக கடந்த 10 வருடங்களில் வெளியிடப்பட்ட எழுத்துப் படைப்புகள் நியமனங்களுக்கு முன் உடனடியாக பரிசீலிக்கப்படும். பழைய படைப்புகளின் முக்கியத்துவம் சமீபத்தில் வெளிப்பட்டால் அவற்றையும் கருத்தில் கொள்ளலாம்.

மேலும் விவரங்களுக்கு மத்திய அரசின் இணையதளம் www.indiaculture.nic.in மூலமாகவும் தெரிந்துக் கொள்ளலாம். இவ்விருதிற்கான விண்ணப்பங்களை மாவட்ட விளையாட்டு மற்றும் இளைஞர் நலன் அலுவலர், தருமபுரி அலுவலகத்தில் பெற்று, பூர்த்தி செய்து 11.04.2022க்குள் சமர்ப்பிக்க வேண்டும். எனவே தருமபுரி மாவட்டத்திலுள்ள தகுதி வாய்ந்த விண்ணப்பதாரர்கள் இவ்வாய்ப்பினை பயன்படுத்தி விண்ணப்பிக்க கேட்டுக் கொள்ளப்படுகிறார்கள், என மாவட்ட ஆட்சித்தலைவர் திருமதி.ச.திவ்யதர்சினி இ.ஆ.ப., அவர்கள் தனது செய்தியறிக்கையில் தெரிவித்துள்ளார்.