ஒகேனக்கல் காவிரி ஆற்றில் நீர்வரத்து விநாடிக்கு 45 ஆயிரம் கன அடியாக நீர்வரத்து அதிகரித்துள்ளது.

தொடர் மழையால் ஒகேனக்கல் காவிரி ஆற்றில் நீர்வரத்து அதிகரித்து காவிரி ஆற்றில் வெள்ளப்பெருக்கு ஏற்பட்டு விநாடிக்கு 45 ஆயிரம் கன அடியாக நீர்வரத்து அதிகரித்துள்ளது.

பஞ்சப்பள்ளி தேன்கனிக்கோட்டை கிருஷ்ணகிரி உள்ளிட்ட பல்வேறு பகுதிகளில் உள்ள மலை மற்றும் வனப் பகுதிகளிலும், காவிரி நீர்ப்பிடிப்பு பகுதிகளிலும் தொடர் மழை பெய்து வருகிறது. இதனால் நேற்று  ஒகேனக்கல்லில் விநாடிக்கு  30 ஆயிரம் கன அடியாக இருந்த நீர்வரத்து படிப்படியாக அதிகரித்து தமிழக மற்றும் கர்நாடக எல்லையான பிலிகுண்டுலுவில் விநாடிக்கு 45 ஆயிரம் கன அடியாக அதிகரித்து வருகிறது. 

இதனால் அருவிகள் நீர்வீழ்ச்சிகளை  மூடியபடி தண்ணீர் செந்நிறத்தில் செல்கின்றன. கர்நாடக அணிகளான கபினி மற்றும் கிருஷ்ணராஜசாகர் ஆகிய இரு அணைகள் முழு கொள்ளளவை எட்டிய நிலையிலும் தமிழகத்திற்கு வெளியேற்றப்படும் உபரி நீரின் அளவு வெறும் 7800 கன அடியாகவே உள்ளது.  தமிழகத்திற்கு கர்நாடக அணைகளில் இருந்து வெளியேற்றப்படும் உபரி நீரின் அளவு குறைத்து வெளியேற்றப்பட்டு வந்தாலும்கூட தொடர் மழையின் காரணமாக நீர்வரத்து அதிகரித்து வருகிறது.  

இதனால் ஒகேனக்கல் காவிரி ஆற்றில் வெள்ளப்பெருக்கு ஏற்பட்டுள்ளது இதன் காரணமாக சுற்றுலா பயணிகள் செல்லவும் பரிசல் இயக்கவும் மாவட்ட நிர்வாகம் அனுமதி வழங்கியுள்ளது. குறிப்பாக ஒகேனக்கல்லில் உள்ள சின்னாற்றில் இருந்து கோத்திக்கல் வழியாக மணல் திட்டு வரை மட்டுமே பரிசல் இயக்கு அனுமதி வழங்கியுள்ளது. மேலும் வெள்ளப்பெருக்கு காரணமாக ஆற்றில் பொதுமக்கள் குளிக்க மாவட்ட நிர்வாகம் தொடர்ந்து தடை விதிப்பு என்பது நீடித்து வருகிறது. கரையோர மக்கள் பாதுகாப்பாக இருக்க வேண்டும் என மாவட்ட நிர்வாகம் சார்பில் அறிவிக்கப்பட்டுள்ளது.