மின்சார நுகர்வோர் குறைகளை தீர்க்கும் பொறுப்பு உங்களுக்கா? – ஆக.14 கடைசி நாள்.

தருமபுரி, ஆகஸ்ட் 12: 

தருமபுரி மாவட்டத்தில் மின்சார விநியோகம் தொடர்பான பொதுமக்களின் குறைகளைத் தீர்க்கும் வகையில், தமிழ்நாடு மின்சார ஒழுங்குமுறை ஆணையத்தின் கீழ் நுகர்வோர் குறைதீர்க்கும் மன்றம் (Consumer Grievance Redressal Forum) செயல்பட்டு வருகிறது.

மின்சார சட்டம், 2003-ன்படி அமைக்கப்பட்டுள்ள இம்மன்றத்தின் உறுப்பினர் பதவிக்காலம் 06.10.2025 அன்று நிறைவடைந்துள்ளது. கடந்த 07.10.2022 முதல் 06.10.2025 வரை உறுப்பினர் பதவி செயல்பாட்டில் இருந்ததாக தெரிவிக்கப்பட்டுள்ளது.

தற்போது, இக்குறைதீர்க்கும் மன்றத்தில் 3 ஆண்டுகளுக்கு உறுப்பினராக செயல்பட விருப்பமுள்ள தகுதியான நபர்களிடமிருந்து விண்ணப்பங்கள் வரவேற்கப்படுகின்றன.

தகுதிகள் என்ன?

விண்ணப்பதாரர்கள்:

• B.L. / LL.B. சட்டப்படிப்பு முடித்திருக்க வேண்டும்.
• நிதித்துறையில் 15 முதல் 20 ஆண்டுகள் முன் அனுபவம் பெற்றிருக்க வேண்டும்.
• மின்சார சட்டத்தின் கீழ் செயல்படும் நுகர்வோர் குறைதீர்க்கும் மன்றத்தின் உறுப்பினராக பணியாற்றுவதற்கான தகுதியை பெற்றிருக்க வேண்டும்.

தகுதியும் விருப்பமும் உள்ளவர்கள் தங்களது சுயவிவரத்துடன் விண்ணப்பத்தைத் தயாரித்து, 14.08.2026க்குள் மாவட்ட ஆட்சியர் அலுவலகத்தில் சமர்ப்பிக்க வேண்டும்.

விண்ணப்பிக்க வேண்டிய முகவரி:

மாவட்ட ஆட்சியர்,

மாவட்ட ஆட்சியர் அலுவலகம்,

தருமபுரி.

தகுதியான நபர்கள் இந்த வாய்ப்பை பயன்படுத்தி மின்சார நுகர்வோரின் குறைகளைத் தீர்ப்பதில் பங்களிக்குமாறு மாவட்ட ஆட்சியர் திரு. வே. சரவணன், இ.ஆ.ப. அவர்கள் தெரிவித்துள்ளார்.