படித்த வேலைவாய்ப்பற்றோருக்கான உதவித்தொகை – விண்ணப்பிக்க 29ஆம் தேதி கடைசி நாள்.

தருமபுரி, ஜூலை 17 | ஆடி 01 -

தமிழ்நாடு அரசு சார்பில் படித்தும் வேலைவாய்ப்பு இல்லாதவர்களுக்கு மாதாந்திர உதவித்தொகை வழங்கும் திட்டம் செயல்படுத்தப்பட்டு வருகிறது. இதன்படி, கல்வித் தகுதியின் அடிப்படையில் உதவித்தொகை வழங்கப்படுகிறது:

▪️ பத்தாம் வகுப்பு கீழ் – ரூ.200/-

▪️ பத்தாம் வகுப்பு தேர்ச்சி – ரூ.300/-

▪️ பன்னிரண்டாம் வகுப்பு – ரூ.400/-

▪️ பட்டதாரிகள் – ரூ.600/-

மாற்றுத் திறனாளிகளுக்கு:

▪️ பத்தாம் வகுப்பு மற்றும் அதற்கு கீழ் – ரூ.600/-

▪️ மேல்நிலை தேர்ச்சி – ரூ.750/-

▪️ பட்டதாரிகள் – ரூ.1000/-

2025-ம் ஆண்டிற்கான (30.09.2025 முடிவடையும் காலாண்டிற்கான) உதவித்தொகைக்கான விண்ணப்பங்கள், தருமபுரி மாவட்ட வேலைவாய்ப்பு அலுவலகத்தில் இலவசமாக வழங்கப்படுகின்றன.

தகுதிகள்:

🔸 கல்வித் தகுதி படிப்பை பதிவு செய்துவிட்டு 5 ஆண்டுகளுக்கும் மேலாக வேலைவாய்ப்பு அலுவலகத்தில் தொடர்ந்த பதிவாக இருக்க வேண்டும் (மாற்றுத் திறனாளிகளுக்கு 1 ஆண்டு பதிவு போதும்)

🔸 வயது: பட்டியலினருக்கு 45 வயதிற்குள், பிறரைப் பொருத்தவரை 40 வயதிற்குள் இருக்க வேண்டும் (மாற்றுத்திறனாளிகளுக்கு வயது வரம்பில்லை)

🔸 ஆண்டு குடும்ப வருமானம் ரூ.72,000/- ஐ மீறக்கூடாது (மாற்றுத்திறனாளிகளுக்கு வரம்பில்லை)

🔸 நேரடியாக பள்ளி/கல்லூரியில் கல்வி பயிலும் நபர்கள் தகுதியற்றவர்கள்

🔸 தொழில்நுட்பப் பட்டதாரிகள், அரசு/தனியார் துறையில் பணியாற்றும் நபர்கள், ஏற்கனவே வேறு உதவித்தொகை பெறுபவர்கள் தகுதியில்லை

விண்ணப்பிக்க வேண்டிய கடைசி நாள்: 29.08.2025

முதன்முறையாக விண்ணப்பிக்க விரும்புவோர், மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திலிருந்து விண்ணப்பங்களை பெற்று பூர்த்தி செய்து, தேசியமயமாக்கப்பட்ட வங்கியில் துவக்கப்பட்ட கணக்கு புத்தகம் மற்றும் தேவையான சான்றுகளுடன் நேரில் சமர்ப்பிக்க வேண்டும்.

மேலும், ஏற்கனவே உதவித்தொகை பெற்றவர்களில் 3 ஆண்டுகள் முடிவடையாத நிலையில் சுய உறுதிமொழி ஆவணத்தை அளிக்காதவர்கள், அதனை 29.08.2025க்குள் வழங்கி தொடர்ந்து உதவித்தொகையைப் பெற வேண்டுமென மாவட்ட ஆட்சித்தலைவர் திரு. ரெ. சதீஸ், இ.ஆ.ப., அறிவித்துள்ளார்.