காரிமங்கலம் ஒன்றியத்தில் “உங்களுடன் ஸ்டாலின்” முகாம்கள் நடைபெற்றது.

காரிமங்கலம், ஜூலை 18 | ஆடி 03 -

காரிமங்கலம் ஒன்றியத்தில் அமைந்துள்ள ஜெர்தலா கிராமத்தில் உள்ள வித்யா மந்திர் மெட்ரிக் மேல்நிலைப்பள்ளியில் “உங்களுடன் ஸ்டாலின்” முகாம் விழிப்புணர்வு மற்றும் மனுக்களோடு கூடிய ஆலோசனை முகாமாக நடைபெற்றது. பள்ளி மாணவர்களுக்கு கல்வி உதவித் தொகை, ஆசிரியர்களுக்கு கட்டட வசதி தொடர்பான மனுக்கள், சத்துணவுப் பணியாளர்களுக்கு மாத ஊதியம் உயர்வு உள்ளிட்ட கோரிக்கைகள் மாணவர் பெற்றோர்களால் மனுக்களாக அளிக்கப்பட்டன.

முகாமில் பங்கேற்ற அரசு அதிகாரிகள் மாணவர்களுக்கு கல்விச் சேவைகள், உணவு பாதுகாப்பு சட்டம், மற்றும் பொது மக்களுக்கு அரசு திட்டங்களை எளிதில் பெறும் வழிகள் பற்றி தெளிவாக விளக்கினர். முகாமில் மாவட்ட பள்ளிக் கல்வி அலுவலர், சமூக நல ஆலோசகர், தலைமை ஆசிரியர் திரு. ராமசாமி, மற்றும் வட்டாட்சியர் ஆகியோர் பங்கேற்றனர். 

மேலும், பேரூராட்சியில் அமைந்துள்ள ஸ்ரீ துளசியம்மாள் திருமண மண்டபத்தில் நடந்த “உங்களுடன் ஸ்டாலின்” நிகழ்ச்சி மிகுந்த மக்கள்பங்கேற்புடன் நடைபெற்றது. முகாமில் ஏராளமான பொதுமக்கள் வருகை தந்து, அவர்களது நிலம், குடும்ப அட்டை, உதவித்தொகை, மற்றும் அரசின் நலத்திட்டங்கள் குறித்த 260க்கும் மேற்பட்ட மனுக்களை சமர்ப்பித்தனர். 

மாவட்ட ஆட்சியர் நேரில் வருகை தந்து, முகாமில் பெற்ற மனுக்களின் நிலையை மதிப்பீடு செய்தார். 45 மனுக்களுக்கு நேரில் தீர்வு வழங்கப்பட்டதோடு, 90 மனுக்கள் தொடர்ந்து ஆய்வு செய்யப்படவுள்ளன. முகாமில் பங்கேற்றோர்: காவல் துறை துணை கண்காணிப்பாளர் திரு. வசந்த், சமூக நலத்துறை அதிகாரி திருமதி. ரேவதி, நகராட்சி அலுவலர்கள், மருத்துவ குழு உறுப்பினர்கள், மற்றும் பள்ளி மாணவர்களும் பொதுமக்களும் கலந்துகொண்டனர்.