பென்னாகரம் பக்ரீத் கொண்டாட்டம்; ஆயிரக்கணக்கான இசுலாமியர்கள் தொழுகையில் ஈடுபட்டனர்.

பென்னாகரம், ஜூன் 7:

தியாகத்தையும், இறை நம்பிக்கையையும் பிரதிபலிக்கும் பக்ரீத் பண்டிகை, தருமபுரி மாவட்டம் பென்னாகரத்தில் இன்று பக்தியுடனும் பாசத்துடனும் விமரிசையாக கொண்டாடப்பட்டது. ஜாமியா மஸ்ஜித் சுன்னத் ஈத்கா மைதானத்தில், ஆயிரக்கணக்கான இஸ்லாமியர்கள் புத்தாடையுடன் சென்று, இறைநம்பிக்கையை பிரதிபலிக்கும் வகையில் சிறப்பு தொழுகையில் ஈடுபட்டனர்.

பி.எம். தவுலத் பாஷா தலைமையில் நடைபெற்ற இந்நிகழ்வில், பண்டிகையின் முக்கியத்துவம் குறித்து உரையாடப்பட்டதுடன், இப்ராஹிம் நபியும், இஸ்மாயில் நபியின் தியாகமும் நினைவுகூரப்பட்டது. ஐந்தாயிரம் ஆண்டுகளுக்கு முன் நடைபெற்ற இந்தத் தியாக சம்பவத்தை அடிப்படையாகக் கொண்டு, ஆண்டுதோறும் பக்ரீத் தினம் உலகமெங்கும் கொண்டாடப்படுகிறது.

இன்று, தொழுகை முடிந்ததும், மக்கள் தங்களது உறவினர்களும் நண்பர்களும் ஒருவரையொருவர் தழுவி, “பக்ரீத் முபாரக்” என வாழ்த்துக்களை பரிமாறிக் கொண்டனர். இந்த பண்டிகையின் ஒரு முக்கிய அம்சமான குர்பானி எனும் பலியீட்டின் மூலமாக, ஏழை எளியோருக்கு உணவுப் பகிர்வு நடத்தப்பட்டது என்பது குறிப்பிடத்தக்கது.

இந்த பக்ரீத் பண்டிகை, இன, மத வேறுபாடுகளுக்கு அப்பாலான மனிதநேயம், பகைமையற்ற ஒற்றுமை மற்றும் இறைநம்பிக்கை ஆகியவை அடங்கியதாகும். பென்னாகரத்தை பண்பாட்டுத் தழுவலின் ஒரு வளமான மாதிரியாக இன்று இந்த நிகழ்வு நிரூபித்தது.