முகாமின் முக்கிய நோக்கம், அரசு செயல்படுத்தி வரும் நலத்திட்டங்களை பொதுமக்கள் மற்றும் இளைஞர்கள் அறிந்து பயன்பெறும் வகையில் விழிப்புணர்வை ஏற்படுத்துவதாகும். கிராமப்புற மக்களுக்கு நகரப்பகுதியில் கிடைக்கும் சேவைகளை ஒப்பிடும் வகையில் அரசு சேவைகள் நேரில் வழங்கப்படுவதுடன், மாவட்டத்தினூடாக பின்தங்கிய பகுதிகளின் மக்கள் பயன்பெறும் வகையிலும் இம்முகாம்கள் நடைபெறுகின்றன.
இன்றைய முகாமில், மொத்தம் 208 பயனாளிகளுக்கு ரூ.1.19 கோடி மதிப்பிலான அரசு நலத்திட்ட உதவிகள் வழங்கப்பட்டன. வருவாய்த்துறையின் சார்பில், இலவச வீட்டுமனை பட்டா, உட்பிரிவு மற்றும் பட்டா மாற்ற ஆணைகள் வழங்கப்பட்டன. வட்ட வழங்கல் பிரிவின் மூலம் குடும்ப அட்டைகள், சமூக பாதுகாப்பு திட்டத்தின் கீழ் இயற்கை மரணம் நிவாரண உதவிகள், ஊரக வளர்ச்சி துறையின் சார்பில் கலைஞரின் கனவு இல்லம் மற்றும் வேலைவாய்ப்பு உறுதி திட்ட அடையாள அட்டைகள், தோட்டக்கலைத்துறையின் மூலம் நுண்ணீர் பாசன கருவிகள், வேளாண்மை மற்றும் உழவர் நலத்துறையின் சார்பில் வேளாண் நல உதவிகள், மகளிர் சுயஉதவிக்குழுக்களுக்கு கடனுதவிகள் வழங்கப்பட்டன.
மேலும், முகாமில் மாவட்ட ஆட்சித்தலைவர் அவர்கள் பல்வேறு துறைகளின் கண்காட்சிகளை பார்வையிட்டு, பொதுமக்களிடமிருந்து கோரிக்கை மனுக்களை பெற்றுக்கொண்டார். அவர் தெரிவித்ததாவது, மக்கள் தொடர்பு திட்ட முகாம் ஒரு துறை சார்ந்த நிகழ்வாக இல்லாமல், அனைத்து துறைகளும் ஒருங்கிணைந்த வகையில் செயல்பட்டு, மக்களுக்கு பயனளிக்க வேண்டும் எனத் தமிழ்நாடு முதலமைச்சர் அவர்கள் வலியுறுத்தியுள்ளதாக கூறினார்.
மக்கள் பயன்பெறும் வகையில், துறை சார்ந்த அலுவலர்கள் தங்களது திட்டங்களை எடுத்துரைத்தனர். தமிழ்நாடு அரசால் வழங்கப்படும் திட்டங்களைப் பற்றி விளக்கும் புதுமைப்பெண், தமிழ்ப்புதல்வன், நான் முதல்வன், சமூக வளைகாப்பு, ஊட்டச்சத்து பெட்டகம், சீருடை, புத்தகங்கள் உள்ளிட்ட திட்டங்கள் குறித்த விளக்கக் கண்காட்சிகளும் துண்டு பிரசுரங்களும் பொதுமக்களுக்கு வழங்கப்பட்டன.
முடிவில், மாவட்ட ஆட்சித்தலைவர் திரு. ரெ. சதீஸ், இ.ஆ.ப., அவர்கள், இன்று பெற்றுக்கொள்ளப்பட்ட கோரிக்கை மனுக்கள் மீது உரிய ஆய்வு மேற்கொள்ளப்பட்டு தகுதியான பயனாளிகள் அனைவர் அவர்களுக்கும் அரசு நலத்திட்ட உதவிகள் வழங்கப்பட வேண்டும் என துறை அலுவலர்களுக்கு அறிவுறுத்தினார். இம்முகாமில் தருமபுரி வருவாய் கோட்டாட்சியர் திருமதி. இரா. காயத்ரி, தருமபுரி வட்டாட்சியர் திரு. சண்முகசுந்தரம் மற்றும் பொதுமக்கள் பெருமளவில் பங்கேற்றனர்.
கருத்துகள் இல்லை:
கருத்துரையிடுக