மாரன்டஅள்ளி மக்கா மஜீத் முன்பு வக்ப் வாரிய சட்ட திருத்தம் கொண்டு வந்த மத்திய அரசை கண்டித்து இஸ்லாமியர்கள் கண்டன ஆர்ப்பாட்டம்.

 பாலக்கோடு, ஏப்.12-

தர்மபுரி மாவட்டம், மாரன்டஅள்ளி மக்கா மஜீத் முன்பு, தமிழக மஜ்ஜித்துகளின் ஐக்கிய ஜமாத் கூட்டமைப்பு சார்பில் வக்ப் வாரிய சட்ட திருத்த மசோதாவை கொண்டு வந்த ஒன்றிய அரசை கண்டித்து மக்கா மஜீத் முத்தவல்லி சாதிக் பாஷா தலைமையில் கண்டன ஆர்ப்பாட்டம் நடைபெற்றது.

ஆர்ப்பாட்டத்தில் மஜித் இமாம் சனாவுல்லா மற்றும் நிர்வாகிகள் உபயத்ரகுமான், தஸ்தகீர், அன்சார் ஆகியோர் முன்னிலை வகித்தனர். இந்த மசோதா எவ்வாறு இஸ்லாமியர்களின் உரிமைகளுக்கு எதிராக செயல்படுவதாகும் என்பதை எதிர்த்து, கண்டன கோஷங்கள் எழுப்பி, ஆர்ப்பாட்டம் நடத்தப்பட்டது. ஆர்ப்பாட்டம், இஸ்லாமிய சமூகத்தின் பரிதாபமான நிலையை வெளிப்படுத்தியது.

ஆர்ப்பாட்டத்தில் 100க்கும் மேற்பட்ட இஸ்லாமியர்கள் கலந்து கொண்டு, உள்நாட்டு அரசின் நடவடிக்கையை கண்டித்து கோஷம் செய்தனர்.