முதலமைச்சர் கோப்பை 2024-2025 போட்டிகளுக்கு விண்ணப்பிக்க அழைப்பு.

24-2025 ஆம் ஆண்டிற்கான முதலமைச்சர் கோப்பைக்கான விளையாட்டுப் போட்டிகளில் வெவ்வேறு புதிய விளையாட்டுக்கள் சேர்க்கப்பட்டு பள்ளி,கல்லூரி மாணவ மாணவியர், மாற்றுத்திறனாளிகள், பொதுமக்கள் மற்றும் அரசு ஊழியர்கள் என 5 பிரிவுகளில் 27 விளையாட்டுக்கள் 53 வகைகளில் மாவட்ட, மண்டல மற்றும் மாநில அளவிலான தமிழ்நாடு முதலமைச்சர் கோப்பைக்கான விளையாட்டுப்போட்டிகள் வரும் செப்டம்பர் மற்றும் அக்டோபர் மாதத்தில் மாவட்ட/மண்டல/மாநில அளவில் நடத்தப்படப்படவுள்ளது.

இப்போட்டிகளில் கலந்து கொள்வதற்கான விவரத்தினை https://sdat.tn.gov.in என்ற இணையதளம் வாயிலாக முன்பதிவு செய்து அதற்குரிய ஆவணங்களை சமர்ப்பித்து பதிவேற்றம் செய்திட வேண்டும்.

மாநில அளவில் தனிநபர் போட்டிகளில் வெற்றி பெறுபவர்களுக்கு முதல் பரிசாக ரூ.1இலட்சமும், இரண்டாம் பரிசாக ரூ.75ஆயிரமும், மூன்றாம் பரிசாக ரூ.50ஆயிரமும் வழங்கப்படும். குழு போட்டிகளில் பங்கு பெற்று வெற்றி பெறுபவர்களுக்கு முதல் பரிசாக தலா ரூ.75ஆயிரமும், இரண்டாம் பரிசாக தலா ரூ.50ஆயிரமும், மூன்றாம் பரிசாக ரூ.25ஆயிரமும் பரிசாக வழங்கப்படவுள்ளது மொத்த பரிசுத்தொகை ரூ.37 கோடி ஆகும். 

மாவட்ட அளவிலான போட்டிகளில் முதலிடம் பெறுபவர்களுக்கு ரூ.3000ம், இரண்டாமிடம் பெறுபவர்களுக்கு ரூ.2000ம், மூன்றாமிடம் பெறுபவர்களுக்கு ரூ.1000ம் பரிசுத்தொகையாக வழங்கப்படும். தமிழ்நாடு முழுவதிலும் இருந்து 12 வயது முதல் 19 வயது வரை உள்ள பள்ளி மாணாக்கர்களுக்கும், 17 வயது முதல் 25 வயது வரை கல்லூரி மாணக்கர்களுக்கும்,  15 வயது முதல் 35 வரை பொதுப்பிரிவினருக்கும், அனைத்து வயது மாற்றுத்திறனாளிகளுக்கும் மற்றும் தமிழ்நாடு அரசு ஊழியர்களுக்கும் விளையாட்டுப்போட்டிகள் நடத்தப்பட உள்ளது. போட்டிகளில் பங்கேற்க முன்பதிவு செய்திட கடைசி நாள்.25.08.2024 ஆகும்.

எனவே முதலமைச்சர் போட்டிகளில் கலந்து கொள்ள https://sdat.tn.gov.in என்ற இணையதளம் வாயிலாக முன்பதிவு செய்திட கேட்டுக்கொள்ளப்படுகிறது.. மேலும் “ஆடுகளம்” தகவல் தொடர்பு மையத்தை அனைத்து வேலை நாட்களிலும் காலை 10.00 மணி முதல் மாலை 5.00 மணி வரை 9514 000 777 என்ற எண்ணில் தொடர்பு கொள்ளலாம். இவ்வாறு மாவட்ட ஆட்சிதலைவர் திருமதி.கி.சாந்தி,இ.ஆ.ப., அவர்கள் தெரிவித்துள்ளார்.