தருமபுரி பொருளாதார குற்றப்பிரிவு வழக்கில் தலைமறைவாக இருந்தவர் கைது

தருமபுரி மாவட்டம், பாலக்கோடு வட்டம், கேசர்குளி சாலை கிராமத்தை சேர்ந்த தனசாமி மகன் விஜயரங்கன் என்பவரின் புகாரில் தனக்கு அறிமுகம் ஆன சாம்ராஜ், த/பெ. சின்னசாமிகவுண்டர், எண்.6/223, தீர்த்தகிரி நகர், பாலக்கோடு வட்டம், தருமபுரி மாவட்டம் மற்றும் அவரது மனைவி புனிதா ஆகிய இருவரும் சேர்ந்து ஆதிசேசன் Finance & Investments என்ற நிதி நிறுவனம் நடத்தி வருவதாகவும், இந்நிறுவனத்தில் ரூ.1,00,000/- முதல் ரூ.10,00,000/- வரை ஏலச்சீட்டு நடத்தி வந்ததாகவும், அதில் முதலீடு செய்தால் அதிகலாபம் கிடைக்கும் என்று கூறியதை நம்பி, 03.10.2015-ம் தேதி பாரத ஸ்டேட் வங்கி காசோலை எண்.2532 மூலம் ரூ.2,00,000/- மும், அதே தேதியில் நேரிடையாக ரூ.2,00,000/- மும் ஆக மொத்தம் ரூ.4,00,000/- டெபாசிட் செய்ததாகவும், மேலும் இரண்டு ஏலச்சீட்டில் சேர்ந்து அதன் மூலம் பணத்தை கட்டி வந்ததாகவும்,  இவ்வாறாக டெபாசிட் செய்த தொகை மற்றும் ஏலசீட்டில் கட்டிய தொகை ஆகமொத்தம் ரூ.13,33,040/- பணத்தை திருப்பி தராமல் காலம் கடத்தி வந்ததாகவும், அதனால் மேற்படி சாம்ராஜ் மற்றும் அவரது மனைவி புனிதா ஆகியோர் மீது நடவடிக்கை எடுக்குமாறு விஜயரங்கன் கொடுத்த புகார் மீது 12.10.2022-ம் தேதி சேலம் பொருளாதார குற்றப்பிரிவில் குற்ற எண். 05/2022 ச/பி. 120(b), 406, 420 IPC & 5 of TNPID ACT 1997 ஆக முதல் தகவல் அறிக்கை பதிவு செய்யப்பட்டுள்ளது. 

இவ்வழக்கு கோப்பானது தொடர் புலன் விசாரணைக்காக சேலம் பொருளாதார குற்றப்பிரிவிலிருந்து தருமபுரி பொருளாதார குற்றப்பிரிவிற்கு மாறுதல் செய்யப்பட்டு புலன் விசாரணை மேற்கொள்ளப்பட்டது. விசாரணையில் எதிரி சாம்ராஜ் ரூ.36,83,040/- த்தை நான்கு நபர்களிடமிருந்து டெபாசிட் மற்றும் ஏல சீட்டுக்கான பெற்றுக்கொண்டு உறுதியளித்தது போல் பணத்தை திருப்பி தராமல் ஏமாற்றியதாக புகார்கள் பெறப்பட்டுள்ளன. 

இவ்வழக்கில், எதிரி சாம்ராஜ் வயது 50, த/பெ. சின்னசாமி, தீர்த்தகிரி நகர், பாலக்கோடு, தருமபுரி என்பவரை காவல் ஆய்வாளர், பொருளாதார குற்றப்பிரிவு, தருமபுரி அவர்களின் தலைமையிலான குழு தேடி வந்த நிலையில் 25.03.2024 -ம் தேதி எதிரி சாம்ராஜ் கைது செய்து கோவை முதலீட்டாளர்கள் நலன் மற்றும் சிறப்பு நீதிமன்றத்தில் ஆஜர்படுத்தி தற்போது நீதிமன்ற காவலில் இருந்து வருகிறார்.  

எனவே ஆதிசேசன் பைனான்ஸ் & இன்வெஸ்மெண்ட் பிரைவேட் லிமிடேட் நிறுவனத்தில் டெபாசிட் மற்றும் ஏலச்சீட்டில் பணம் முதலீடு செய்து, பாதிக்கப்பட்டவர்கள் உரிய ஆவணங்களுடன் தருமபுரி பொருளாதார குற்றப்பிரிவு அலுவலகத்தில் புகார் கொடுக்க அறிவுறுத்தப்படுகிறது.

இவ்வாறு தருமபுரி பொருளாதார குற்றப்பிரிவு காவல் ஆய்வாளர் திருமதி.ஜெ.கற்பகம் அவர்கள் தெரிவித்துள்ளார்.