TNPSC (Group IV) தேர்வுக்கான முன்னேற்பாடுகள் குறித்த ஆலோசனை கூட்டம் மாவட்ட ஆட்சியர் தலைமையில் நடைபெற்றது.

தருமபுரி மாவட்டத்தில் மொத்தம் 228 இடங்களில் 62,641 தேர்வர்கள் (Group-IV) போட்டித் தேர்வு எழுத உள்ளனர். தமிழ்நாடு அரசுப்பணியாளர் தேர்வாணையத்தால் நடத்தப்படும் தகுதி - 4-ல் (Group-IV) போட்டித் தேர்வு வருகின்ற ஜூன் 09.06.2024 அன்று தருமபுரி மாவட்டத்தில் நடைபெறுவதையொட்டி மாவட்ட ஆட்சித்தலைவர் திருமதி.கி.சாந்தி இஆப., அவர்கள் தலைமையில் முன்னேற்பாடு பணிகள் குறித்து கூட்டம் இன்று மாவட்ட ஆட்சியர் அலுவலாக கூட்டரங்கில் நடைபெற்றது.

தமிழ்நாடு அரசுப்பணியாளர் தேர்வாணையத்தால் நடத்தப்படும் தகுதி - 4-ல் (Group-IV) பணிகளுக்கான போட்டித் தேர்வு வருகின்ற ஜூன் 09.06.2024 அன்று தருமபுரி மாவட்டத்தில் நடைபெறுவதையொட்டி மாவட்ட ஆட்சித்தலைவர் திருமதி.கி.சாந்தி இஆப., அவர்கள் தலைமையில் முன்னேற்பாடு பணிகள் குறித்து கூட்டம் இன்று (29.04.2024) மாவட்ட ஆட்சியர் அலுவலாக கூட்டரங்கில் நடைபெற்றது.

இக்கூட்டத்தில் மாவட்ட ஆட்சித்தலைவர் திருமதி.கி.சாந்தி இஆப., அவர்கள் தெரிவித்துள்ளதாவது: தருமபுரி மாவட்டத்தில் இத்தேர்வு தருமபுரி மற்றும் அரூர் கோட்டங்களில் மொத்தம் 228 இடங்களில் அமைக்கப்பட்டுள்ள 228 தேர்வு மையங்களில் இத்தேர்வினை சுமார் 62,641 தேர்வர்கள் தேர்வு எழுத உள்ளனர். இத்தேர்விற்க்கான அனைத்து ஏற்பாடுகளும் அனைத்து தேர்வு மையங்களிலும் முழுமையாக மேற்கொள்ள அலுவலர்களுக்கு அறிவுறுத்தப்பட்டுள்ளது.

மேலும், தருமபுரி மாவட்டத்தில் இத்தேர்வு நடைபெற உள்ள அனைத்து தேர்வு மையங்களிலும் பேருந்துகள் நின்று செல்லும் வகையிலும், இத்தேர்விற்காக சிறப்பு பேருந்துகளும் ஏற்பாடு செய்ய வேண்டும்.  எனவே தேர்வர்கள் குறிப்பிட்ட நேரத்திற்குள் தேர்வு மையத்திற்கு செல்லவும், கடைசிநேர அலைச்சல்களை தவிர்க்குமாறும், தமிழ்நாடு அரசு பணியாளர் தேர்வாணைய விதிமுறைகளை முழுமையாக படித்து கடைபிடிக்க மாவட்ட நிர்வாகத்தின் சார்பில் கேட்டுக் கொள்ளப்படுகிறது என மாவட்ட ஆட்சித்தலைவர் திருமதி.கி.சாந்தி இஆப., அவர்கள் தெரிவித்துள்ளார்.

இக்கூட்டத்தில் மாவட்ட வருவாய் அலுவலர் திரு. செ. பால்பிரின்ஸ்லி ராஜ்குமார், மாவட்ட ஆட்சியரின் நேர்முக உதவியாளர் (பொது) திரு.சையது முகைதின் இப்ராகிம், தமிழ்நாடு நுகர்ப்பொருள் வாணிபக் கழக மண்டல மேலாளார் திருமதி.தேன்மொழி, அனைத்து வட்டாட்சியர்கள் உடனிருந்தனர்.