Type Here to Get Search Results !

தருமபுரியில் அகில இந்திய காங்கிரஸ் கட்சி சீரமைப்பு கலந்தாய்வுக் கூட்டம் – கர்நாடக எம்எல்சி ஈவன் டிசோசா பங்கேற்பு.


தருமபுரி – நவம்பர் 29:

தருமபுரியில் அகில இந்திய காங்கிரஸ் கட்சி சார்பில் சீரமைப்பு கலந்தாய்வுக் கூட்டம் நடைபெற்றது. இந்தக் கூட்டத்தில் காங்கிரஸ் கட்சியின் அப்சர்வராக கர்நாடக சட்டமன்ற கவுன்சில் உறுப்பினர் ஈவன் டிசோசா, சங்கராபுரம் முன்னாள் சேர்மன் ஸ்ரீனிவாசன், தமிழ்நாடு காங்கிரஸ் கமிட்டி பொதுச்செயலாளர் இளஞ்செழியன், முன்னாள் எம்எல்ஏ அருள் அன்பரசு உள்ளிட்டோர் கலந்து கொண்டு கருத்துரையாற்றினர்.


கூட்டத்திற்குப் பிறகு நிருபர்களிடம் பேசிய கர்நாடக எம்எல்சி ஈவன் டிசோசா கூறுகையில்:

ராஜஸ்தான், கேரளா, குஜராத் உள்ளிட்ட மாநிலங்களில் இளைஞர்களுக்கும் புதிய முகங்களுக்கும் கட்சி பொறுப்புகளை வழங்கிய பிறகு, அந்த மாநிலங்களில் காங்கிரஸ் கட்சி வேகமாக வளர்ந்து வருவதாக தெரிவித்தார்.


அதனைப் போலவே தருமபுரி மாவட்டத்திலும்,

  • மாவட்ட தலைவர் முதல் வாக்குச்சாவடி முகவர்வரை,

  • அனைத்து நிலைகளிலும் புதிய முகங்களுக்கு வாய்ப்பு வழங்கும் நோக்கில்,

  • இளைஞர்களிடம் நேர்காணல் நடைபெற்று வருவதாக கூறினார்.


இந்த நேர்காணல் முடிவுகள் தேசிய காங்கிரஸ் தலைமையிடம் அனுப்பப்படும் என்றும், புதிய தலைமுறை இளைஞர்களின் பங்களிப்பால் கட்சி வலுப்படும் என்றும் அவர் நம்பிக்கை தெரிவித்தார். வரவிருக்கும் சட்டமன்றத் தேர்தலில் காங்கிரஸ் அதிக இடங்களை பெற்று வெற்றி பெறும் எனவும் உறுதியாக கூறினார்.

இக்கூட்டத்தில் தருமபுரி காங்கிரஸ் கமிட்டி பொறுப்பாளர், முன்னாள் எம்பி தீர்த்தராமன், முன்னாள் மாவட்ட பொறுப்பாளர் பாலகிருஷ்ணன் உள்ளிட்ட பலர் கலந்து கொண்டனர்.


© தகடூர்குரல்.காம் | செய்தி மற்றும் விளம்பர தொடர்புக்கு : 9843 663 662 

கருத்துரையிடுக

0 கருத்துகள்
* தயவுசெய்து இங்கே தொடர் திணிப்பை (Spam) செய்யாதீர்கள். அனைத்து கருத்துகளும் நிர்வாகியால் மதிப்பாய்வு செய்யப்படுகின்றன.

Top Post Ad

Below Post Ad

Hollywood Movies