“தமிழ்நாட்டைத் தலைகுனிய விடமாட்டோம்” – பி. பழனியப்பன் உறுதிமொழி ஏற்பு.

தருமபுரி – செப்டம்பர் 14, 2025 / ஆவணி 23, 2056

தருமபுரி மேற்கு மாவட்ட செயலாளர் பி. பழனியப்பன் அவர்கள் செய்தியாளர் சந்திப்பில் சிறப்பு பேட்டி அளித்தார்.

அவர் கூறியதாவது:

“ஓரணியில் தமிழ்நாடு இயக்கத்தில் இணைந்துள்ள 1 கோடி குடும்பத்தினரும் சேர்ந்து, தமிழ்நாட்டைத் தலைகுனிய விடமாட்டோம்! என உறுதி ஏற்கிறோம்.

நான்,

• தமிழ்நாட்டின் நாடாளுமன்ற உறுப்பினர்களின் விகிதாசாரத்தைக் குறைக்கும் அநியாயமான தொகுதி மறுவரையறைக்கு எதிராகப் போராடுவேன்.

• வாக்காளர் பட்டியல் மோசடி மூலம் மக்களின் வாக்குரிமையை பறிக்கும் SIR-க்கு எதிராக நிற்பேன்.

• நீட் உள்ளிட்ட இளைஞர்களை பாதிக்கும் திட்டங்களுக்கு எதிர்த்து, மாணவர்களுக்கு உரிய கல்வி நிதிக்காக போராடுவேன்.

• தமிழ் மொழி, பண்பாடு, பெருமைக்கு எதிரான பாகுபாடுகளை எதிர்த்துப் போராடுவேன்.

• பெண்கள், விவசாயிகள், மீனவர்கள், நெசவாளர்கள், தொழிலாளர்கள் ஆகிய உழைக்கும் வர்க்க நலன்களுக்காகப் போராடுவேன்.

எதற்கும் தமிழ்நாட்டைத் தலைகுனிய விடமாட்டேன் என உறுதி ஏற்கிறேன்” என தெரிவித்தார்.

.

மேலும், நாளை (செப்.15) பேரறிஞர் அண்ணா அவர்களின் 117-வது பிறந்த நாளை முன்னிட்டு, தருமபுரி மேற்கு மாவட்டத்தின் மூன்று சட்டமன்ற தொகுதிகளில் உறுப்பினர் சேர்க்கை விவரங்களையும் வெளியிட்டார்.

• பாப்பிரெட்டிப்பட்டி தொகுதி – 314 வாக்குசாவடிகளில் 1,20,006 உறுப்பினர்கள்

• அரூர் தொகுதி – 305 வாக்குசாவடிகளில் 1,10,257 உறுப்பினர்கள்

• பாலக்கோடு தொகுதி – 278 வாக்குசாவடிகளில் 1,09,103 உறுப்பினர்கள்

மொத்தம் 897 வாக்குசாவடிகளில் 3,39,366 உறுப்பினர்கள் சேர்க்கப்பட்டுள்ளனர். இதன் மூலம், பொதுமக்களுக்கு விழிப்புணர்வு ஏற்படுத்தும் வகையில் “தமிழ்நாட்டைத் தலைகுனிய விடமாட்டேன்” உறுதிமொழி ஏற்கப்படும் என்று அவர் கூறினார்.

இதில் திமுகவின் மாநில வர்த்தகர் அணி துணை செயலாளர் அ. சத்தியமூர்த்தி, தலைமை செயற்குழு உறுப்பினர் இரா. சித்தார்த்தன், ஒன்றிய கழக செயலாளர்கள் சி. முத்துக்குமார், பி.எஸ். சரவணன், டி. நெப்போலியன், பேரூர் கழக செயலாளர் கொ. ஜெயசந்திரன், மாவட்ட ஐடி விங் ஒருங்கிணைப்பாளர் கு. தமிழழகன், வர்த்தகர் அணி அமைப்பாளர் தாமோதிரன், ஐடி விங் நிர்வாகிகள் சி. சண்முகம், கொ. கண்ணப்பன், மயில்குமார், சே. சதிஷ்குமார், ஜோதிவேல் உள்ளிட்டோர் கலந்து கொண்டனர்.