அரசு தருமபுரி மருத்துவக் கல்லூரியில் சான்றிதழ் படிப்புகளுக்கான மாணவர் சேர்க்கை அறிவிப்பு.

தருமபுரி, செப். 19 | புரட்டாசி 03:

அரசு தருமபுரி மருத்துவக் கல்லூரியில் 2025-2026 கல்வியாண்டிற்கான சான்றிதழ் படிப்புகளுக்கான நேரடி மாணவர் சேர்க்கை வருகிற 22.09.2025 முதல் தொடங்கும் என்று தருமபுரி மாவட்ட ஆட்சித்தலைவர் திரு. ரெ. சதீஸ், இ.ஆ.ப., தெரிவித்துள்ளார்.

அரசு தருமபுரி மருத்துவக் கல்லூரியில் சான்றிதழ் படிப்புகளுக்கான மாணவர் சேர்க்கை

1. ஈசிஜி / டிரெட் மில் டெக்னீஷியன்

2. அவசர சிகிச்சை டெக்னீஷியன்

3. டயாலிசிஸ் டெக்னீஷியன்

4. மயக்க மருந்து டெக்னீஷியன்

5. தியேட்டர் டெக்னீஷியன்

6. எலும்பியல் டெக்னீஷியன்

7. பல்நோக்கு மருத்துவமனை பணியாளர்

தகுதி: விண்ணப்பதாரர்கள் 31.12.2025-க்கு முன் 17 வயதை நிறைவு செய்திருக்க வேண்டும். பத்தாம் வகுப்பு அல்லது மேல்நிலைப் பள்ளி தேர்ச்சி பெற்றிருக்க வேண்டும். இடஒதுக்கீடு நடைமுறை, மாற்றுத்திறனாளிகளுக்கான 5% ஒதுக்கீடு உட்பட, தமிழ்நாடு அரசின் விதிமுறைகளின்படி பின்பற்றப்படும்.

விண்ணப்ப நடைமுறை:

• சேர்க்கை முற்றிலும் நேரடி கலந்தாய்வு முறையில் நடைபெறும்.

• விண்ணப்பக் கட்டணம் இல்லை.

• கலந்தாய்வு அரசு தருமபுரி மருத்துவக் கல்லூரியிலேயே நடைபெறும்.

• தேவையான ஆவணங்கள்: பத்தாம் மற்றும் மேல்நிலைப்பள்ளி மதிப்பெண் சான்றிதழ்கள், மாற்று சான்றிதழ், சாதி மற்றும் இருப்பிடச் சான்றிதழ், பிறப்புச் சான்றிதழ் / பள்ளிச் சான்றிதழ், மாற்றுத்திறனாளி சான்றிதழ் (பொருந்துமாயின்), ஆதார் அட்டை அல்லது புகைப்பட அடையாள அட்டை.

முக்கிய தேதிகள்:

• சேர்க்கை தொடக்கம்: 22.09.2025

• சேர்க்கை நிறைவு: 30.09.2025

• வகுப்புகள் தொடக்கம்: 06.10.2025

தேர்வு முற்றிலும் தகுதி மற்றும் இடஒதுக்கீடு அடிப்படையில் நடைபெறும். கலந்தாய்வில் இடஒதுக்கீட்டு ஆணைகள் உடனடியாக வழங்கப்படும்.

ஆட்சித்தலைவர் ரெ. சதீஸ் அவர்கள், சுகாதாரத் துறையில் வேலைவாய்ப்பை அதிகரிக்கும் வகையில் இப்பாடப்பிரிவுகள் உதவும் என தெரிவித்தார். மேலும், சேர்க்கப்பட்ட மாணவர்கள் "வெற்றி நிச்சயம்" திட்டத்தின் கீழ் உதவித்தொகை பெறத் தகுதியுடையவர்களாக இருப்பார்கள் என்றும் கூறினார்.

தொடர்பு எண்கள்: 04342-233600, 7418844106