தருமபுரியில் 18 வயதிற்குட்பட்ட மாணவர்களுக்காக கோடைக்கால விளையாட்டு பயிற்சி முகாம் – மாவட்ட ஆட்சியர் அறிவிப்பு.

தருமபுரி, ஏப்ரல் 17: கோடை விடுமுறை நாட்களை பயனுள்ளதாக பயன்படுத்தும் நோக்கில், தருமபுரி மாவட்டத்திலுள்ள 18 வயதிற்குட்பட்ட பள்ளி மாணவ மாணவிகளுக்காக விளையாட்டு துறையின் சார்பில் சிறப்பு பயிற்சி முகாம் நடைபெறவுள்ளதாக மாவட்ட ஆட்சித்தலைவர் திரு ரெ. சதீஸ், இ.ஆ.ப., அவர்கள் அறிவித்துள்ளார்.

தமிழ்நாடு விளையாட்டு மேம்பாட்டு ஆணையத்தின் தருமபுரி பிரிவின் கீழ் நடைபெறும் இந்த முகாம், வரும் ஏப்ரல் 25ஆம் தேதி தொடங்கி மே 15ஆம் தேதி வரை மாவட்ட விளையாட்டு அரங்கில் நடைபெறவுள்ளது. இதில் தடகளம் (Athletics), வாலிபால், டேக்வாண்டோ, கால்பந்து, ஜிம்னாஸ்டிக்ஸ், மற்றும் ஸ்கேட்டிங் போன்ற பல்வேறு விளையாட்டு வகைகளில் பயிற்சி வழங்கப்படும்.

பயிற்சிகள் இருவேளை நடைபெறும்: காலை 6.30 மணி முதல் 8.30 மணி வரை, மாலை 4.30 மணி முதல் 6.30 மணி வரை. பயிற்சி முகாமில் கலந்துகொள்கின்ற மாணவ மாணவிகளுக்கு அரசு சார்பில் சிற்றுண்டிகள் எனப்படும் முட்டை, பால் மற்றும் பிஸ்கட் வழங்கப்படும். மேலும், பயிற்சி முகாமை வெற்றிகரமாக முடித்த அனைத்து மாணவ மாணவிகளுக்கும் சான்றிதழ் வழங்கப்படும்.

இவ்வாய்ப்பினை தருமபுரி மாவட்டத்திலுள்ள மாணவர்கள் விரும்பி பயன்படுத்தி தங்கள் உடல் உறுதி மற்றும் விளையாட்டு திறனை வளர்த்துக் கொள்ள வேண்டும் எனவும், விளையாட்டு ஆர்வமுள்ள குழந்தைகளின் பெற்றோர்கள் மற்றும் பள்ளிகள் மாணவர்களை உற்சாகப்படுத்த வேண்டும் எனவும் மாவட்ட ஆட்சியர் தெரிவித்துள்ளார்.

இந்த முகாம், கல்விக்குப் பிறகான திறன்கள் வளர்ந்து, மாணவர்கள் உறுதி, ஒழுக்கம் மற்றும் ஒத்துழைப்பு போன்ற மானுட பண்புகளை பின்பற்றி வளர உதவுவதோடு, எதிர்காலத்தில் விளையாட்டு துறையில் சாதிக்க உறுதியான அடிப்படை அளிக்கக்கூடிய வாய்ப்பாக அமைந்துள்ளது.