தருமபுரி மாவட்டத்தில் e-NAM திட்டம் மூலம் அவரை, துவரை மற்றும் கொள்ளு விளைபொருட்களின் மறைமுக ஏலம்.

தருமபுரி, ஏப்ரல் 23:

தருமபுரி மாவட்டத்தில் e-NAM திட்டத்தின் கீழ், அவரை, துவரை மற்றும் கொள்ளு விளைபொருட்களின் மறைமுக ஏலம் நடைபெறவுள்ளது. இந்த நிகழ்ச்சியினை தருமபுரி மற்றும் பென்னாகரம் ஒழுங்குமுறை விற்பனைக்கூடங்களில் நடைபெறவுள்ளது. மேலும், விற்பனை செய்யப்பட்ட விளைபொருட்களின் தொகை விவசாயிகளின் வங்கி கணக்கில் நேரடியாக வரவு வைக்கப்படும்.

மாவட்ட ஆட்சித்தலைவர் திரு.ரெ.சதீஸ், ஐ.ஏ.பி., அவர்கள் இந்த தகவலை வெளியிட்டு, தருமபுரி மற்றும் பென்னாகரம் விற்பனைக்கூடங்களில் 2025ஆம் ஆண்டில் அவரை, துவரை மற்றும் கொள்ளு விளைபொருட்களின் மறைமுக ஏலம் நடைபெறுவதற்கான அனைத்து வசதிகளும் செய்யப்பட்டுள்ளதாக அறிவித்துள்ளார்.

விவசாயிகளுக்கான தகவல்:

• விற்பனை கட்டணங்கள்: தரகு, கமிஷன் போன்ற எந்தவொரு கட்டணமும் வசூலிக்கப்படாது.

• சுத்தமான விளைபொருட்கள்: விவசாயிகள் தங்களின் அவரை, துவரை மற்றும் கொள்ளு விளைபொருட்களை சுத்தமாக கொண்டு வர வேண்டும். சருகு, குச்சி போன்ற பொருட்கள் நீக்கப்பட்டிருப்பதைக் கவனிக்கவும்.

• e-NAM திட்டத்தின் மூலம் மறைமுக ஏலம் நடைபெறும், எனவே விவசாயிகளின் தொகை நேரடியாக வங்கி கணக்கில் வரவு வைக்கப்படும்.

பதிவுக்கான ஆவணங்கள்:

• ஆதார் எண்

• வங்கி கணக்கு புத்தகம்

• புகைப்பட நகல்

• விளை நிலத்தின் விவரங்கள்

பதிவு செய்யும் இடங்கள்:

1. தருமபுரி: மதிகோன்பாளையம், திருப்பத்தூர் ரோடு, தருமபுரி – 636701 (அலைபேசி எண்: 9578556523)

2. பென்னாகரம்: தாசம்பட்டி ரோடு, உழவர்சந்தைக்கு அருகில், பென்னாகரம் (அலைபேசி எண்: 9944163463)

e-NAM திட்டத்தின் மூலம் மேற்படி கடமைகளை பின்பற்றி, அதிக விலைக்கு உங்கள் விளைபொருட்களை விற்பனை செய்யும் வாய்ப்பை தவறவிடாதீர்கள், இவ்வாறு, மாவட்ட ஆட்சித்தலைவர் திரு.ரெ.சதீஸ், ஐ.ஏ.பி., அவர்கள் அறிவித்துள்ளனர்.