தருமபுரி அரசினர் தொழிற் பயிற்சி நிலைய 2022-ம் ஆண்டு சேர்க்கை அறிவிப்பு.

தருமபுரி அரசினர் தொழிற் பயிற்சி நிலையத்தில் இவ்வாண்டு ஆகஸ்ட் 2022-ம் ஆண்டு சேர்க்கைக்கு முதல் கட்ட கலந்தாய்வு நடைபெற்றதில் தொழிற் பிரிவுகளில் ஏற்படும் காலியிடங்களை நிரப்பிட நேரடி சேர்க்கைக்கான (SPOT ADMISSION) 30.10.2022 வரை நடைபெறவுள்ளது.

வயது வரம்பு :

1. 14 வயது முதல் 40 வயதுக்கு உட்பட்ட ஆண்கள் விண்ணப்பிக்க தகுதி உடையவர்கள்.
2. பெண்களுக்கு குறைந்தபட்ச வயது 14. உச்ச வயது வரம்பு இல்லை.

கல்வி தகுதி :

8-ம் வகுப்பு தேர்ச்சி பெற்றவர்கள் விண்ணப்பிக்க தகுதியுள்ள பிரிவு:

1. கம்பியாள் (Wireman) (2 வருடம்), 
2. பற்றவைப்பவர் (Welder) ( 1 வருடம்)

10-ம் வகுப்பு தேர்ச்சி பெற்றவர்கள் : 

1. கம்ப்யூட்டர் ஆப்ரேட்டர் அண்டு புரோகிராமிங்அசிஸ்டண்ட் (கோபா) (1 வருடம்), 
2. கட்டடபட வரைவாளர் (2 வருடம்), 
3. மின்பணியாளர் (2வருடம்), 
4. பொருத்துநர் (2 வருடம்), 
5. கம்மியர் மோட்டார் வண்டி (2 வருடம்), 
6. கம்மியர் டீசல் என்ஜின் (1 வருடம்), 
7. கடைசலர் (2 வருடம்) 
8. இயந்திர வேலையாள் (2 வருடம்) 

ஆகிய தொழிற் பிரிவுகளுக்கு ஆண், பெண் இருபாலரும் நேரடி சேர்க்கையில் கலந்துக்கொள்ளலாம்.

2021ல் 10ம் வகுப்பு தேர்ச்சி பெற்றவர்கள் 9ம் வகுப்பு மதிப்பெண் பட்டியலின்படி பதிவேற்றம் செய்யலாம். எனவே தகுதியுள்ள இதுவரை விண்ணப்பிக்காத மாணவ, மாணவியர்கள் மற்றும் விண்ணப்பித்து சேர்க்கை கிடைக்கப் பெறாதவர்கள் இதனை ஒரு வாய்ப்பாக கருதி மீண்டும் நேரடி சேர்க்கையில் கலந்துக்கொண்டு பயனடையுமாறு தொழிற் பயிற்சி நிலைய முதல்வர் கேட்டுக்கொண்டுள்ளார்.

சேர்க்கைக்கு வரும்போது தங்கள் அசல் கல்விச்சான்றிதழ்கள், சேர்க்கை மற்றும் விண்ணப்ப கட்டணங்களுடன் நேரில் வருகைபுரியுமாறு கேட்டுக்கொள்ளப்படுகிறது.

1. Original Certificate SSLC (or) 10th Pass 9th Mark 
2. Original T.C 
3. Original Community 
4. ஆதார் அட்டை 
5. அலைபேசி எண்கள் 
6. மார்பளவு புகைப்படம்-1.

பயிற்சி காலத்தின்போது பயிற்சியாளர்களுக்கு மாதந்தோறும் ரூ.750/- உதவித்தொகையாக வழங்கப்படும். இதை தவிர விலையில்லா பாடபுத்தகம், விலையில்லா வரைபட கருவிகள், விலையில்லா மடிகணினி, விலையில்லா சீருடை, விலையில்லா மிதிவிண்டி, விலையில்லா பேருந்து பயண அட்டை, விலையில்லா மூடுகாலணி முதலிய சலுகைகள் வழங்கப்படும். 

ஆண் பயிற்சியாளர்களுக்கு விடுதி வசதி உண்டு. பெண் பயிற்சியாளர்களுக்கும் விடுதி விரைவில் துவங்கப்படவுள்ளது. மேலும் விபரங்களுக்கு 1) 96886 75686 2) 97874 40280 3) 96882 37443 தொடர்பு கொள்ளுமாறு கேட்டுக்கொள்ளப்படுகிறார்கள், என அரசினர் தொழிற் பயிற்சி நிலையம் முதல்வர் (பொ) திரு.டி.கே.சிவகுமார் அவர்கள் தனது செய்தியறிக்கையில் தெரிவித்துள்ளார்.