.gif)
தருமபுரி மாவட்ட ஆட்சியர் அலுவலக வளாகத்தில் உலக காசநோய் தினத்தை முன்னிட்டு காசநோய் ஒழிப்பு உறுதிமொழி ஏற்பு நிகழ்ச்சி, விழிப்புணர்வு கையெழுத்து இயக்கம் மற்றும் காசநோய் ஒழிப்பு விழிப்புணர்வு பேரணியினை மாவட்ட ஆட்சித்தலைவர் திருமதி.ச.திவ்யதர்சனி இஆப., அவர்கள் இன்று தொடங்கி வைத்து தகவல் தருமபுரி மாவட்ட ஆட்சியர் அலுவலக வளாகத்தில் உலக காசநோய் தினத்தை முன்னிட்டு மருத்துவம் மற்றும் மக்கள் நல்வாழ்வுத்துறையின் தருமபுரி மாவட்ட காசநோய் பிரிவின் சார்பில் காசநோய் ஒழிப்பு உறுதிமொழி ஏற்பு நிகழ்ச்சி, விழிப்புணர்வு கையெழுத்து இயக்கம் மற்றும் காசநோய் ஒழிப்பு விழிப்புணர்வு பேரணி இன்று (24.03.2022) நடைபெற்றது.
மற்ற நோயைப் போல காசநோயும் கிருமியால் வரக்கூடிய ஒரு நோய் தான் என்பதால், காசநோயாளிகளை துச்சமாக எண்ண விட மாட்டேன், மற்றவர்களையும் எண்ண விட மாட்டேன் என்று உறுதியளிக்கிறேன். காசநோயாளிகளை ஒதுக்கி வைக்காமல், அன்புடன் அரவணைத்து, ஆறுதல் அளிப்பேன் என்றும் உறுதியளிக்கிறேன். காசநோய் ஒழிப்பில் என்னால் இயன்ற அனைத்து அணுகு முறைகளையும் மேற்கொண்டு, காசநோயை முற்றிலும் ஒழித்திடவும் "காசநோய் இல்லா தமிழகம் -2025" என்ற இலக்கினை அடையவும் பாடுபடுவேன் என உறுதி கூறுகிறேன்" என்ற உறுதிமொழியினை வாசிக்க மருத்துவத்துறை அலுவலர்கள், பணியாளர்கள் மற்றும் ஸ்ரீவிஜய் வித்யாலயா நர்சிங் கல்லூரி மாணவ, மாணவியர்கள் உள்ளிட்ட அனைவரும் பின்தொடர்ந்து வாசித்து உறுதி மொழியினை ஏற்றுக்கொண்டனர்.
இதனை தொடர்ந்து, மாவட்ட ஆட்சித்தலைவர் திருமதி.ச.திவ்யதர்சினி, இஆப., அவர்கள் காசநோய் ஒழிப்பு குறித்த மாபெரும் விழிப்புணர்வு கையெழுத்து இயக்கத்தினை கையொப்பமிட்டு தொடங்கி வைத்து, காசநோய் ஒழிப்பு விழிப்புணர்வு பேரணியினை கொடியசைத்து தொடங்கி வைத்தார்கள். இப்பேரணியில் மருத்துவத்துறை பணியாளர்கள் மற்றும் தருமபுரி ஸ்ரீவிஜய் வித்யாலயா நர்சிங் கல்லூரி மாணவ, மாணவியர்கள் என 100-க்கும் மேற்பட்டோர் பங்கேற்றனர்.
இப்பேரணியானது தருமபுரி மாவட்ட ஆட்சியர் அலுவலக வளாகத்தில் தொடங்கி சேலம் - தருமபுரி சாலை வழியாக பாரதிபுரம் வரை சென்றடைந்தது, இந்நிகழ்ச்சியில் அரசு தருமபுரி மருத்துவக்கல்லூரி மருத்துவமனை முதல்வர் மரு. அமுதவள்ளி, துணை இயக்குநர் (காசநோய்) மரு.ராஜ்குமார், துணை இயக்குநர் (சுகாதாரப் பணிகள்) மரு.சவுண்டம்மாள், துணை இயக்குநர் (தொழுநோய்) மரு.புவனேஸ்வரி, அனைத்து துறை அலுவலர்கள், ஸ்ரீவிஜய் வித்யாலயா நர்சிங் கல்லூரி முதல்வர் டாக்டர். உமாராணி, ஆசிரிய, ஆசிரியைகள், மாணவ, மாணவியர்கள் கலந்துகொண்டனர்.
.jpeg)
