தர்மபுரி மாவட்டம், பாலக்கோடு அரசு ஆண்கள் மேல்நிலைப் பள்ளியில் முதன்மை கல்வி அலுவலர் ஜோதிசந்திரா, மாவட்ட கல்வி அலுவலர் விஜயகுமார் ஆகியோரின் வழிகாட்டுதலின்படி பள்ளி கல்வித்துறை சார்பில் 14 முதல் 19 வயதிற்க்குட்பட்ட சரக அளவிலான ஹாக்கி போட்டி நடைப்பெற்றது. இப்போட்டியினை தலைமை ஆசிரியர் லட்சுமணன் துவக்கி வைத்தார்.
இப்போட்டிக்கு மாவட்ட உடற்கல்வி ஆய்வாளர் முத்துக்குமார், ஹாக்கி பொறுப்பாளர் உடற்கல்வி ஆசிரியரும் மாநில நல்லாசிசிரியர் விருது பெற்ற ரங்கநாதன்,, சரக இணை செயலாளர் செந்தில்கியோர் முன்னிலை வகித்தனர்.
இப்போட்டியில் பாலக்கோடு ,திருமல்வாடி, பெரியூர், மாதம்பட்டி உள்ளிட்ட 8 பள்ளிகளை சேர்ந்த அரசு மற்றும் தனியார் மேல்நிலைப்பள்ளி ஹாக்கி மாணவ-மாணவிகள் கலந்து கொண்டனர்.
இப்போட்டிக்கு உடற்கல்வி இயக்குநர் மாதேஷ், உடற்கல்வி ஆசிரியர்கள் அறிவழகன், குமார், குமரன், அர்ஜுணன், வெங்கடேஷ், அமிர்தராஜ் தீபா, சாரதாமணி, பிரபாகரன், இளையராஜா ஆகியோர் போட்டியின் நடுவர்களாக இருந்து செயல்பட்டனர். இதில் வெற்றி பெறும் அணிகள் மாவட்ட அளவிலான போட்டிகளில் பங்கேற்க தகுதி பெறும் என்பது குறிப்பிடதக்கது.
