பாலக்கோடு, நவ. 29:
தருமபுரி மாவட்டம் பாலக்கோடு சர்க்கரை ஆலை, அரசு கலைக்கல்லூரி அருகே எழுந்தருளியுள்ள ஸ்ரீ மஹா வாராஹி அம்மன் கோயிலில், கார்த்திகை மாத தேய்பிறை அஷ்டமியை முன்னிட்டு 108 ஸ்ரீ மஹா வாராஹி அம்மன் மகா சண்டியாகம் நடைபெற்றது.
வாராஹி சித்தர் ஜீவலிங்கம், சுஜி ஜீவலிங்கம் ஆகியோரின் தலைமையில் நடைபெற்ற இந்த யாகத்தில் சாபங்கள், மாந்திரீக–தாந்திரீக தோஷங்கள் நீங்கி, ஏவல், பில்லி, சூனியம், பகையாளி தொல்லைகள் அகல வேண்டி சிறப்பு யாகம் செய்யப்பட்டது.
யாகம் நிறைவுடன், வாராஹி அம்மனுக்கு வாசனை திரவியங்களால் அபிஷேகங்கள் செய்யப்பட்டு, மலர்களால் அலங்கரிக்கப்பட்டு சிறப்பு பூஜைகள் நடைபெற்று, மகா தீபாராதனை காண்பிக்கப்பட்டது. சிறப்பு அலங்காரத்தில் அம்மன் பக்தர்களுக்கு அருள் பாலித்தார்.
இதனையடுத்து பெண் பக்தர்களுக்கு வளையல், குங்குமம், வஸ்திரங்கள் ஆகியவை பிரசாதமாக வழங்கப்பட்டது. விழாவில் ஏராளமான பக்தர்கள் கலந்து கொண்டு அருள்பெற்று, பக்தர்கள் அனைவருக்கும் அன்னதானம் வழங்கப்பட்டது.
© தகடூர்குரல்.காம் | செய்தி மற்றும் விளம்பர தொடர்புக்கு : 9843 663 662
.jpg)
.jpg)
.jpg)
.jpg)
