இந்த மாதம் காரிமங்கலம் வட்டத்தில் "உங்களைத்தேடி உங்கள் ஊரில்" திட்ட முகாம்.

மக்களை நாடி, மக்கள் குறைகளை கேட்டு உடனுக்குடன் தீர்வு காண மாண்புமிகு தமிழக முதல்வரால் அறிவிக்கப்பட்ட  ”உங்களைத்தேடி உங்கள் ஊரில்” திட்டம் ஒவ்வொரு மாதமும்  ஒரு வருவாய் வட்டத்தில் நடைபெற வேண்டும் என்பதன் அடிப்படையில் தருமபுரி மாவட்டத்தில் 2024 ஆகஸ்ட் மாதத்திற்கான முகாம் காரிமங்கலம் வட்டத்தில் வரும் 28.08.2024 அன்று காலை 09.00 மணி முதல் 29.08.2024 காலை  09.00 மணி வரை நடைபெற உள்ளது. மேற்படி நாளில் மாவட்ட ஆட்சியர் வருவாய் வட்டத்தில் இருந்து  கள தணிக்கையில், ஈடுபட்டு அரசு திட்டங்களை ஆய்வு செய்ய உள்ளார். 

மேலும் 28.08.2024  அன்று பிற்பகல் 2.30 மணிக்கு காரிமங்கலம் வட்டாட்சியர் அலுவலகத்தில் கள ஆய்வில் இருக்கும் மாவட்டத்தின் முதல்நிலை அலுவலர்களுக்கான ஆய்வுக்கூட்டமும் அதனை தொடர்ந்து மாலை 4.00 மணிக்கு அரசு திட்டங்களை மக்கள் பயன்பாட்டிற்கு கொண்டு சேர்த்தல் தொடர்பாக பொது மக்களிடமிருந்து மனுக்களையும் பெற உள்ளார்கள் என  தெரிவிக்கப்படுகிறது, என தருமபுரி மாவட்ட ஆட்சித்தலைவர் திருமதி.கி.சாந்தி இஆப., அவர்கள் தெரிவித்துள்ளார்.