பாலக்கோடு, மே 27-
தர்மபுரி மாவட்டம் பாலக்கோடு தாசில்தார் அலுவலகத்தில் அரசு நியாய விலைக் கடை விற்பனையாளர்களுக்கான முக்கியமான ஆலோசனைக் கூட்டம் நடைபெற்றுள்ளது. மாவட்ட வழங்கல் துறை சார்பில் நடைபெற்ற இந்தக் கூட்டத்திற்கு மாவட்ட வழங்கல் அலுவலர் செம்மலை தலைமை வகித்தார்.
கூட்டத்தில் பாலக்கோடு வட்ட வழங்கல் அலுவலர் செந்தில்குமார், கூட்டுறவு சார்பதிவாளர் கெளதம், முதுநிலை வருவாய் ஆய்வாளர் விஜயகுமார் உள்ளிட்ட முக்கிய அதிகாரிகள் கலந்து கொண்டனர். பாலக்கோடு தாலுக்காவைச் சேர்ந்த அனைத்து நியாய விலைக் கடை விற்பனையாளர்களும் இக்கூட்டத்தில் பங்கேற்றனர்.
கூட்டத்தின் முக்கியமான முடிவுகளாக, முன்னுரிமை பெற்ற குடும்ப அட்டைகளில் ஆதார் இணைப்பு 100 சதவீதம் உறுதி செய்ய வேண்டும் என்பதும், நியாய விலைக் கடைகளில் பொருட்களின் தரம் மற்றும் இருப்பு நிலையை கண்டிப்பாக பராமரிக்க வேண்டும் என்பதும் முன்வைக்கப்பட்டன. கடைகள் நேரத்திற்குத் திறக்கப்படுவதும், குடும்ப அட்டைதாரர்களுக்கு கனிவான சேவை வழங்குவதும் கட்டாயப்படுத்தப்பட்டன.
மேலும், விற்பனை எந்திரங்கள் மற்றும் தராசுகள் சரியாக இயங்குவதை உறுதி செய்து, பொருட்கள் சரியான அளவில் வழங்கப்படுவதை உறுதி செய்ய வேண்டும் என்று வலியுறுத்தப்பட்டது. மலைப்பகுதிகளில் வாழும் மக்களின் ஆதார் அட்டைகளை புதுப்பிப்பதற்காக சிறப்பு முகாம்கள் நடத்த தீர்மானிக்கப்பட்டது.
இக்கூட்டம் மூலம் பொதுமக்களுக்கு சிறந்த தரமான சேவைகளை வழங்குவதற்கான பல்வேறு நடவடிக்கைகள் முன்மொழியப்பட்டன. மாவட்ட நிர்வாகம் இந்த வழிமுறைகளை கண்டிப்பாக பின்பற்றப்படும் எனவும், தொடர்ந்து மேற்பார்வையிடப்படும் எனவும் தெரிவிக்கப்பட்டது.
கருத்துகள் இல்லை:
கருத்துரையிடுக